Abashakashatsi b’i Burayi bamaze impungenge Abanyafurika ko batazimwa urukingo rwa Coronavirus ruzavumburwa

0
217
SANGIZA ABANDI IYI NKURU

Muri iki cyumweru abashakashatsi batangaje ko urukingo rwa coronavirus ruri gukorwa na Kaminuza ya Oxford rugaragaza ko rwaba rukora kandi rubatura ubwirinzi bw’umubiri kuri iyi virus. 

Igerageza ryakozwe ku bantu 1,077 barutewe ryaberetse ibimenyetso ko rutuma abasirikare b’umubiri n’uturemangingo twitwa ‘T-cells’ duhita dushobora kurwanya coronavirus.

Abanyafurika bamwe bibajihe icyo iyo ntambwe yatewe isobanuye kuri Afurika.

Tagreed wo muri Sudan yabajije Dr Isaac Bogoch, inzobere mu ndwara z’ibyorezo akaba n’umushakashatsi muri za Kaminuza zitandukanye i Buruyi no muri Kanada, igihe urwo rukingo rwabonekera muri Africa, cyangwa niba ruzanahagera.

Dr Isaac Bogoch yaramusubije ati:

Iki ni ikibazo gikomeye. Gusa urukingo rugomba gusaranganywa ku buryo bungana ku rwego rw’isi, ntabwo rushobora kuba urw’ibihugu bikize ngo bikingire abantu babyo bonyine.

“Ntabwo kugeza ubu biramenyekana uko ruzaterwa abantu ku rwego rw’isi, ariko ni ngombwa cyane ko nta muntu uzasigara inyuma. 

“Ibyo biganiro byamaze gutangira hagati y’ishami rishinzwe ubuzima ku isi OMS/WHO na kompanyi nini ziri gukora izi nkingo“. 

Bisa n’aho hakiri kare, ariko igerageza ry’inkingo zakozwe riri gukorwa ahantu hanyuranye ku isi ku bantu.

Gukora, kugerageza no kwemeza urukingo, ni igikorwa ubundi gifata imyaka, rimwe na rimwe irenga 10, gusa ubu abahanga bari gukora ibishoboka ngo iyo mirimo ikorwe mu gihe cy’amezi.

Tubibutse ko uru rukingo rwakozwe na Kaminuza ya Oxford yo mu Bwongereza ubu rwatangiye kugeragezwa ku bantu bagera ku 30,000 muri Amerika, 2,000 muri Afurika y’epfo na 5,000 muri Brazil.

Umubare w’abamenyekanye banduye coronavirus muri Afurika umaze kuba 737,867 abo yishe ni 15,443 nk’uko bivugwa n’ikigo gishinzwe kurwanya ibyorezo cy’umuryango w’Ubumwe bw’Afurika.

Mu Rwanda, abamaze kwandura Covid-19 ni 1,655 abo imaze kwica ni batanu


SANGIZA ABANDI IYI NKURU

LEAVE A REPLY

Please enter your comment!
Please enter your name here