Akarere ka Nyamagabe kahagaritse kwakira abaturage ku biro kubera coronavirus

0
163
SANGIZA ABANDI IYI NKURU

Mu itangazo ryashyizweho umukono n’Umuyobozi w’Akarere ka Nyamagabe Uwamahoro Bonavanture rivuga ko aka karere kagahagaritse by’agateganyo kwakira abaturage bajyana ibibazo ku biro by’akarere mu rwego rwo kwirinda ikwirakwira ry’icyorezo cya covid-19.

Bibaye nyuma y’uko ku wa 16 Nyakanga 2020 Ibitaro bya Kigeme biherereye mu Karere ka Nyamagabe mu murenge wa Kigeme nabyo byahagaritse kwakira abarwayi bivuza bataha, kuko hagaragaye umuganga n’umuforomo banduye icyorezo cya COVID-19.

Itangazo ryasohowe n’aka karere, rivuga ko mu rwego rwo kwirinda ikwirakwira rya COVID-19, Ubuyobozi bw’Akarere ka Nyamagabe ko bumenyesha abaturage ko bubaye buhagaritse igikorwa cyo kwakira ibibazo by’abaturage ku rwego rw’Akarere.

Abaturage bafite ibibazo bakeneye kugeza ku bayobozi b’akarere basabwe kubigeza ku bayobozi b’imirege cyangwa bagahamagara nomero y’akarere itishyurwa 3201.


SANGIZA ABANDI IYI NKURU

LEAVE A REPLY

Please enter your comment!
Please enter your name here