Amashirakinyoma ku byavuzwe ko Minisitiri Bamporiki afite akabari gakora muri iki gihe utundi dufunze

0
2988
SANGIZA ABANDI IYI NKURU

Mu ntangiriro z’icyumweru gishize, ku mbuga nkoranyambaga hacicikanye amakuru y’uko Edouard Bamporiki, Umunyamabanga wa Leta muri Minisiteri y’Urubyiruko n’Umuco, yaba afite akabari gakora mu gihe utundi twafunzwe mu kubahiriza amabwiriza yo kwirinda icyorezo cya Coronavirus.

Ibi byanashimangiwe n’umunyamakuru Byansi Samuel Baker wavuze ko yanakagiyemo agasanga koko gakora. Ku rundi ruhande ariko twasuye aha hiswe akabari, dusanga hitwa Hotel ndetse uhayobora agaragaza uburyo serivisi batanga banafitiye ibyangombwa ntaho zihuriye n’akabari.

Umunyamakuru Samuel Byansi Baker uri mu batangaje bwa mbere kuri Twitter ko Hon. Edouard Bamporiki afite akabari gakora utindi dufunzwe, yanabishimangiye mu kiganiro na Ukwezi TV dukesha iyi nkuru aho yagize ati : “Kuri twitter navuze ko hari akabari kari gukora mu gihe cya Covid kandi k’umuyobozi.

Nibyo ako kabari karakoraga, ubu sinzi nyuma y’uko mbivuze uko bimeze ariko karakoraga… Akabari ni aka Honorable Bamporiki, kari ku muhanda uva mu Busanza, karakora. Narahanyuze mbona abantu baricaye, ndinjira ndicara nanjye, ndangije mbona karakora, ntacyo bibabwiye. Kandi ikiba kibabaje, araza agasubira inyuma akaba ari we uvuga ngo abaturage bafunge utubari bose”

Nyuma y’uko ibi bitangajwe na Samuel Byansi Baker, hari andi makuru yageze ku kinyamakuru Ukwezi avuga ko aho hantu hitwa Nyungwe Hotel, atari akabari ahubwo ari ahantu hatangirwa serivisi za hoteli kandi bikaba byemewe muri ibi bihe. Ninabyo byatumye umunyamakuru wacu agera aho bakorera mu Busanza mu murenge wa Kanombe mu karere ka Kicukiro.

Muri Nyungwe Hotel, hari amacumbi, ubusitani bwakira ibirori nk’ubukwe ndetse bakagira n’icyumba cy’inama cyangwa amahugurwa. Twanaganiriye kandi n’umuyobozi waho wadutangarije byinshi kuri serivisi bakora, anaboneraho kuvuga ko inyubako ari iza Bamporiki Edouard ariko hakaba hari umushoramari wundi ukoreramo utari uwo muyobozi. Gusa ngo abantu bakomeza kuhita kwa Bamporiki n’ubwo atari we ukoreramo.

Src:Ukwezi


SANGIZA ABANDI IYI NKURU

LEAVE A REPLY

Please enter your comment!
Please enter your name here