Mu gihe habura iminsi ibarirwa ku ntoki ngo shampiyona y’u Rwanda ngo igere ku musozo ,amakipe menshi yatangiye kuganiriza abakinnyi bitwaye neza muri iyi shampiyona, Gasogi United niyo yabanjirije izindi igura rutahizamu wa Kiyovu Sports Armel Gisylain.

Shampiyona y’u Rwanda irabura umunsi umwe wa nyuma ngo irangire , hari amakipe yamaze kumenya ko azahagarira u Rwanda mu mikino nyafurika ariyo APR FC na AS Kigali.

Ayo makipe yombi akaba akomeje kwifuza abakinnyi bayandi makipe, muri ayo makipe ariko kandi hari na bandi bakinnyi bayarimo bashobora kuyasohokamo ntagihindutse.

APR FC ifite amahirwe menshi yo kwegukana igikombe cya shampiyona irimo kwifuza abakinnyi babiri basatira izamu, muri abo bakinnyi APR FC yifuza harimo Nshuti Dominique Savio w’ikipe ya Police FC na Mugisha Gilbert wa Rayon .

Amakuru Itara Media yamenye ni uko abo bakinnyi bombi bamaze kumvikana n’iyi kipe y’Ingabo z’u Rwanda ndetse ngo mu makipe yabo barimo banze kongera amasezerano.

Adil Erradi Mohammed yabwiye ubuyobozi bw’iyi kipe ko yifuza ko yaza kuziba icyuho cya Lague,ko bagomba ku mugurira abo bakinnyi babiri.

Rayon Sports

Nubwo ari ikipe iri mu bihe bibi, ivugwamo ikibazo cy’amikoro ariko biragoye ko yakwegera umukinnyi ngo abe yayihakinira bitewe n’uburyo ari ikipe ikunzwe na benshi kandi y’ubukombe umukinnyi uyikiniye bituma agaragara cyane.

Iyi kipe yifuza myugariro Emery Bayisenge na Hakizimana Muhadjiri uba warayikiniye muri uyu mwaka ariko ikabura amafaranga bumvikanye. Gusa aba basore na AS Kigali bakinira iracyabakeneye yaberetse ko ishaka kubongerera amasezerano, ndetse amakuru avuga ko kuba iyi kipe itazasohoka mu mikino Nyafurika byagorana ko bayerekezamo.

Muhadjili Hakizimana wifuzwa na Rayon Sports

Undi mukinnyi yifuza ni myugariro wa APR FC, Niyomugabo Claude utarabonye umwanya uhagije wo gukina akaba ashaka kujya aho yabona umwanya.

Undi ni rutahizamu wa Kiyovu Sports, Babuwa Samson bivugwa ko yagiranye ibiganiro n’iyi kipe ariko abasaba ko bareka shampiyona ikabanza ikarangira.

AS Kigali

Ikipe y’abanyamujyi ndetse yanamaze kwizera 99% ko izasohokera u Rwanda mu mikino Nyafurika, biravugwa ko yifuza rutahizamu wa Rayon Sports, Heritier Luvumbu ukomoka muri DR Congo wanze kongerera iyi kipe amasezerano.Luvumbu ashobora kwerekeza muri AS Kigali

14 COMMENTS

  1. I like the valuable information you supply to your articles.
    I will bookmark your blog and take a look at once more here regularly.
    I am fairly certain I will be informed a lot of new stuff right right here!
    Good luck for the next!

LEAVE A REPLY

Please enter your comment!
Please enter your name here