Nyuma yaho ikiganiro Urukiko abagikoragamo bamwe bahinduriwe inshingano, Munyakazi Sadate yifurije bamwe muribo amahirwe masa muzindi nshingano bagiyemo maze Sam Karenzi amwibutsa ko nawe yigize kuyobora fan club ya Rayon Sports mbere y’uko ajya kuba Perezida wa Rayon Sports.

Iki kiganiro cy’imikino cyakorwaga na Axel Horaho, Kalisa Bruno Taifa, Kazungu Claver na Sam Karenzi buri munsi kuva ku wa Mbere kugeza ku wa Gatandatu guhera saa 10h kugeza saa 13h,ntikizongera kumvikanamo aba banyamakuru bose guhera kuwa 1 Nyakanga uyu mwaka.

Ku mugoroba wo ku wa Kane tariki ya 03 Kamena 2021, ku mbuga nkoranyambaga hacicikanye amakuru avuga ko Abanyamakuru bakoraga ikiganiro urukiko bahawe inshingano nshya n’ubuyobozi bukuru bw’iki gitangazamakuru,nyuma y’igitutu gikomeye bamazeho igihe kitari gito kubera inkuru batangazaga zakomeretsaga benshi kuko nta kintu bahishaga.

Iki kiganiro cyarangwagamo impaka nyinshi no kuvuga ibitagenda mu mupira w’amaguru ndetse hanatungwa intoki abantu bamunga umupira mu Rwanda, cyakundwaga na benshi mu bafana n’abakunzi b’imikino benshi.

Bivugwa ko ubuyobozi bw’iki gitangazamakuru nabwo bwabisabwe n’abayobozi ba Minisiteri ya Siporo, kubera ko iki kiganiro hari ibyo kitubahirizaga.

Bivugwa ko ubuyobozi bwa Radio 10 bwahise bufata icyemezo cyo gukura aba banyamakuru muri iki kiganiro, bubashakira indi mirimo kuri iki gitangazamakuru, gusa bagejejweho umwanzuro wabafatiwe, babiteye utwatsi bafata icyemezo cyo kwandika basezera.

Sam Karenzi usanzwe ari umuyobozi w’ikiganiro cya Radio 10 yagizwe umuyobozi wa Radio akaba atazongera kumvikana kuri micro za radio, Taifa yakuwe mu kiganiro cya mu gitondo ajyanwa mu cya nimugoroba cya Ten Zone gukorana na Mugenzi Faustin, Jado Max bakoranaga amanuka mu kiganiro cya mu gitondo gukorana na Kazungu Claver na Horaho Axel.

Kuri uyu wa kane tariki ya 1 Nyakanga 2021, Munyakazi Sadate yagiye kuri Twitter ye agira ati:”

Twifurije ishya n’ihirwe mu mirimo mishya abavandimwe bari mu Rukiko rwo kuri @Radiotv10rwanda. Bruno Taifa nzahora nemera ko uri Umunyamakuru mwiza mubihe byose genda uremere icyo gisata bakoherejemo ucyubakire Izina, mugenzi wawe nizere ko kuva kuri Micro ari Promotion nziza.”

Ntamwanya ushize Sam Karenzi yasubije Munyakazi Sadate agira ati:”

Replying to @SadateMunyakazi and @Radiotv10rwandaNi promotion nziza cyane haburaga gato ngo irute imwe baguhaye muri @rayon_sports bakugira perezida wa fan club.”

Ntabwo byarangiriye aho kuko Sadate yagarutse yikiriza Sam Karenzi ibyo yari amaze kumusubiza agira ati:”

Replying to @SamKarenzi@Radiotv10rwanda and @rayon_sportsOui Monsieur le Directeur, Grinning faceGrinning faceGrinning faceSmiling face with open mouth and tightly-closed eyesSmiling face with open mouth and tightly-closed eyesSmiling face with open mouth and tightly-closed eyesGrinning face with smiling eyesGrinning face with smiling eyesGrinning face with smiling eyesSmiling face with open mouth and smiling eyesSmiling face with open mouth and smiling eyesFace with hand over mouthMan gesturing not okMan gesturing not okMan gesturing not ok