Ikipe ya Rayon Sports yamaze gusinyisha Masudi Djuma , nk’umutoza wayo mu gihe cy’imyaka ibiri.

Rayon Sports yamaze guha amasazerano y’imyaka ibiri , umurundi Irambona Masudi Djuma kugira ngo atoze iyi kipe yari imaze hafi amezi abiri idafite umutoza nyuma yaho Guy Bukasa asezereye.

Masudi Djuma agarutse nyuma y’imyaka ine atwaranye igikombe na Rayon Sports cya shampiyona y’umwaka wa 2016-2017.

Masudi yavuye muri Rayon Sports ajya gutoza muri Tanzani mu ikipe ya Simba SC n’umwungiriza yamazemo umwaka umwe agaruka mu Rwanda muri AS Kigali , nayo yavuyemo mu 2019 ajya muri Bugesera FC akaba yaratandukanye nayo mu 2020, ajya gutoza ikipe yo muri DR Congo yitwa Bukavu Dawa.

Masudi Djuma nk’umutoza yatwaye ibikombe bibiri yatwariye muri Rayon Sports aribyo igikombe cy’Amahoro nicya shampiyona.

Masudi Djuma na Perezida wa Rayon Sports Uwayezu Jean Fidel