Bwa mbere ku isi urukingo rwa Coronavirusi rwatangiye gutangwa haherwa ku barimu n’abaganga

0
23167
SANGIZA ABANDI IYI NKURU

Perezida w’u Burusiya Vladimir Putin yatangaje ko urukingo rwa Covid-19 rwakozwe n’igihugu cye rwatangiye gutangwa Kandi ko umwe mu bakobwa be yaruhawe.

Ari mu nama ya guverinoma,Putin yavuze ko isuzuma ryakorewe uru rukingo ryemeje ko rufite ububasha bwo gukingira indwara ya Covid-19.

Inzego z’ubuzima z’iki gihugu zatangaje ko abaganga,abarimu n’abandi bari mu kaga aribo babanza gukingirwa.

U Burusiya ni cyo gihugu cya mbere gitanze urukingo rwa coronavirusi ku isi.

Nyamara bamwe mu bahanga mu bya siyansi bavuga ko bakemanga ububasha bw’uru rukingo dore ko ruje huti huti.

Ibihugu byinshi by’ibihangange birimo Leta Zunze Ubumwe za Amerika n’Ubushinwa biri mu isiganwa ryo gukora inkingo zazo ahanini ku mpamvu za politiki.

Donald Trump uyobora Amerika afite uruhuri rw’ibibazo kubera umubare w’abamaze guhitanwa na coronavirusi mu gihugu cye bikaba bishyira mu kaga amahirwe ye yo kongera gutorwa.

Mu gihe yaba abonye urukingo mbere y’amatora yo mu Ugushyingo ,nta shiti uyu mukandida wo mu ishyaka ry’Abarepubulike yaba abonye amahirwe yo kuzamura amajwi ye.

Haribazwa kandi uko Ibihugu bikiri mu nzira y’amajyambere bidafite inganda zo kwikorera izi nkingo zizitwara mu gihe ahandi rwaba rubonetse.


SANGIZA ABANDI IYI NKURU

LEAVE A REPLY

Please enter your comment!
Please enter your name here