Canada: Abantu bishwe basogoswe inkota abandi basabwa kwifungirana mu mazu.

0
236
SANGIZA ABANDI IYI NKURU

Inzego z’umutekano mu gihugu cya Canada mu mu mujyi wa Québec zatangaje ko abantu batari munsi ya babiri bishwe basogoswe icyuma ndetse abandi barenga batanu bagakomereka.

Iki gitero cyagabwe n’umugabo uri mu kigero cy’imyaka 20 wambaye imyenda yo mu gihe cya kera.

Polisi yasabye abantu kuguma mu ngo zabo nyuma yuko uyu umugabo agabye igitero “ku bantu benshi” akoresheje intwaro ifite ubugi mu ijoro ry’ejo ku wa gatandatu.

Abapolisi bavuze ko uyu umugabo yatawe muri yombi mbere gato ya saa saba z’ijoro (01:00) zaho.

Ariko abahatuye bakomeje gusabwa kutava mu ngo zabo bakifungirana mu gihe iperereza rikomeje.

Nkuko tubikesha ikinyamakuru mpuzamahanga BBC ngo icyo gitero cyabereye hafi y’ahakorera inteko ishingamategeko ya Canada, mu gace kabumbatiye amateka kazwi nka Old Quebec.

Amakuru ya mbere ajyanye n’icyo gitero yamenyekanye mbere gato ya saa yine n’iminota 30 za nijoro (22h30) ku isaha yaho.

Nyuma yo gutabwa muri yombi hafi y’agace k’ubucuruzi kazwi nka Espace 400e, uwo mugabo yajyanwe ku bitaro. Batanu bakomeretse na bo barimo kuvurirwa ku bitaro.


SANGIZA ABANDI IYI NKURU

LEAVE A REPLY

Please enter your comment!
Please enter your name here