Coronavirus:Koreya ya ruguru ikimara gutahura ko hari ukekwaho ubwandu wa mbere, hahise hafatwa ingamba ziteye ubwoba.(Amafoto)

0
181
SANGIZA ABANDI IYI NKURU

Koreya ya ruguru ivuga ko haketswe umuntu wambere ufite ubwandu bwa Coronavirus, bityo hahita hatangazwa ingamba zihariye mu rwego rwo guhangana n’iki cyorezo.

Igitangazamakuru KCNA cya leta ya Koreya ya ruguru cyatangaje ko umuntu wari waratorotse akajya muri Koreya y’epfo mu myaka itatu ishize, mu cyumweru gishize yagarutse mu gihugu anyuze mu karere k’umurongo ubigabanya, akaba afite ibimenyetso bya Covid-19.

Kim Jong-un, umutegetsi mukuru w’iki gihugu, yakoresheje inama y’ako kanya hamwe n’abategetsi bakuru, ategeka ko akarere k’umujyi wa Kaesong uri ku mupaka gashyirwa muri gahunda ya ‘guma mu rugo’.

Koreya ya ruguru – igihugu kizwiho kubaho ubuzima bwo mu ibanga rikomeye – mbere yari yatangaje ko nta muntu n’umwe wanduye Covid-19 uharangwa, ibyo abasesenguzi bavuga ko ari ibintu bisa nk’ibidashoboka.

Igitangazamakuru KCNA cyagize kiti:

“Habaye igikorwa cyihutirwa mu mujyi wa Kaesong aho umuntu wari waragiye mu majyepfo mu myaka itatu ishize, umuntu ucyekwa ko yanduye virusi yagarutse ku itariki ya 19 y’ukwezi kwa karindwi nyuma yo kwambuka umurongo w’umupaka mu buryo bunyuranyije n’amategeko”.

Mu nama yabaye ejo ku wa gatandatu y’abagize biro nkuru ya politike y’ishyaka riri ku butegetsi, Bwana Kim yategetse ko hafatwa “ingamba zihutirwa zikaze cyane ku kigero cyo hejuru gishoboka” mu rwego rwo guhashya iyi virusi.

Igitangazamakuru KCNA cyongeyeho ko Bwana Kim yanatangije iperereza ku kuntu uwo muntu yashoboye kwambuka uwo mupaka urinzwe bikomeye, aburira ababigizemo uruhare ko hari “igihano gikaze” kibategereje.

Ku rundi ruhande, mu minsi ya vuba ishize Koreya ya ruguru ntiyigeze itangaza amakuru n’amwe yuko hari umuntu wambutse umupaka mu buryo bunyuranyije n’amategeko.

Kuva mu mezi atandatu ashize ubwo coronavirus yakwiraga mu bice bitandukanye ku isi, Koreya ya ruguru yafunze imipaka yayo ndetse ishyira mu kato abaturage babarirwa mu bihumbi.

Mu ntangiriro y’uku kwezi kwa karindwi, Bwana Kim yashimagije “intsinzi ikomeye” y’iki gihugu mu guhangana na Covid-19.

North Korea declares lockdown over first suspected coronavirus case
North Korea on alert over 'first suspected coronavirus case' - BBC ...
North Korea Reports First Suspected Coronavirus Case | Voice of ...
Coronavirus latest: North Korea reports first ′suspected′ case of ...

SANGIZA ABANDI IYI NKURU

LEAVE A REPLY

Please enter your comment!
Please enter your name here