COVID-19: Abantu 1736 bapfiriye umunsi umwe muri Leta zunze ubumwe za Amerika(USA).

0
587
SANGIZA ABANDI IYI NKURU

Ejo kuwa kabiri taliki ya 7 mata 2020, nibwo Leta zunze ubumwe za Amerika zatangaje ko coronavirusi ihitanye abantu bagera ku gihumbi na magana rindwi na mirongo itatu na batandatu 1736.

Kuva iki cyorezo cyaza ku Isi Leta zunze ubumwe za Amerika niho hagaragaye umubare munini uhitanwe ni iki cyorezo ku munsi umwe doreko ari naho hagaragara umubare ukabje w’abanduye iyi ndwara ya COVID-19.

Abarenga 400,000 nibo bagaragaye ko bafite iki cyorezo muri Leta zunze ubumwe za Amerika naho abandi bagera ku 12,857 bakaba barahitanwe nacyo muri iki gihugu. Iyi virusi ikaba imaze kwandura abagera kuri million 1.4 ku Isi hose.

Nubwo Iki gihugu cyaje ku isonga mu bihugu byatakaje umubare mu nini w’abarwayi ba COVID-19 ku munsi, umukuru w’iki Gihugu Donald Trump yatangarije ibinyamakuru ko iki cyorezo kiri kugana ku gihe cyo kugabanuka muri Amerika. Bwana Trump anenga cyane bikabije Ishami rishinzwe ubuzima ku Isi , WHO avuga ko ryatanze inama mbi kandi ryibanze cyane ku Bushinwa.

Mumagambo ye bwana Trump ati ” WHO rwose yarabyangije. Nubwo ahanini iterwa inkunga na Amerika, ariko yibanze cyane ku Bushinwa, Amerika igiye gufatira amafaranga yageneye WHO”.

Umubare ukabije iyindwara iherutse guhitana wagaragaye taliki ya 4 mata 2020 aho yari yahitanye abagera ku 1,344 bo muri Leta zose zunze ubumwe, ibi bikaba bikoje kwibazwaho impamvu iyi ndwara yibasiye umugabane w’Amerika kurusha indi.

Nubwo kandi ejo hatanzwe umubare ukabije wabahitanwe na COVID-19 muri Leta zunze ubumwe za Amerika uyu mubare ngo ushobora kwiyongera kuko hari Leta zimwe na zimwe zitaratanga Raporo.


SANGIZA ABANDI IYI NKURU

LEAVE A REPLY

Please enter your comment!
Please enter your name here