Covid-19: Nyuma y’ukwezi, Tanzania mu byishimo byinshi yaje kugaragaza uko icyorezo gihagaze mu gihugu.

0
289
SANGIZA ABANDI IYI NKURU

Hashize igihe kitari gito igihugu cya Tanzania kidashyira hanze amakuru ajyanye n’icyorezo cya Coronavirus, gusa kugeza ubu Minisitiri w’intebe wa Tanzania Kassim Majaliwa yatangaje umubare w’abantu bafite iki cyorezo bitungura benshi.

Leta iheruka gutangaza amakuru kuri iki cyorezo tariki 29/04/2020, nyuma nibwo Perezida w’iki gihugu kubera umubare munini wari ukabije batangaje, yashishikarizaga abantu gusenga cyane ndetse bagakora amasengesho y’iminsi itatu ngo kuko icyorezo kitatsinda Imana.

Mu buryo butunguranye mu minsi ishize Perezida John Magufuli yari yatangaje ko “nta coronavirus ikiri muri iki gihugu” kubera amasengesho y’abaturage.

Amwe mu magambo dukesha ikinyamakuru mpuzamahanga cyanditse iyi nkuru BBC, iratangaza ko mu kwezi gushize, Ambasade ya Amerika yaburiye ko mu mujyi wa Dar es Salaam ibitaro byaho “byuzuriranye” kandi ko ibyago byo kwandura iki cyorezo muri uwo muyi biri hejuru cyane gusa ntiyatangaje ibyo ishingiraho yemeza ibi.

Mu ijambo ryo kuwa mbere tariki ya 15 Kamena 2020, minisitiri w’intebe yavuze ko imibare y’abanduye mu gihugu yagabanutse. Asaba abaturage gukomeza ingamba zatangajwe zo kwirinda gukwiza iyi virus.

Bwana Majaliwa yavuze ko abantu 66 ubu aribo bonyine Tanzania ifite banduye Coronavirus kandi ko bari mu bitaro mu turere 10 tw’igihugu, yongeraho ko utundi turere 16 nta muntu ufite iki cyorezo uhari.

Umubare w’abantu bose hamwe banduye coronavirus muri Tanzania ntabwo uzwi neza. Tariki 29 z’ukwezi kwa kane ubwo baheruka gutangaza imibare Leta yavugaga abanduye bose ari 509 na 21 yishe.

Ariko kuva tariki ya 15 Kamena, Leta ya Tanzania iratangaza ko ubwandu buri mugihugu bwagabanutse cyane kurwego rushimishije ndetse basaba abaturajye gukomeza gushyiramo ingufu barwanya iki cyorezo.

Tariki 01 z’uku kwezi kwa gatandatu, minisitiri w’ubuzima Madamu Ummy Mwalimu yavuze ko muri Dar Salaam hari abarwayi bane gusa.

Nyuma yo gufungura amashuri yisumbuye, amakuru na za kaminuza tariki 01 z’uku kwezi, ubu mu gihugu cya Tanzania imikino nayo yongeye kwemererwa gutangira bitewe ni uko icyorezo gisa nkaho cyacitse mu gihugu.

Ese Tanzania yaba iri gukoresha umuti wavumbuwe na Madagascar ukaba ari nawo uri kubavura cyangwa ni amasengesho nkuko Leta ya Tanzania iri kubitangaza?

Rwandan News irakomeza kubakurikiranira iyi nkuru ntucikwe.


SANGIZA ABANDI IYI NKURU

LEAVE A REPLY

Please enter your comment!
Please enter your name here