Dore abakinnyi 10 ba mbere bahembwa amafaranga menshi mu gihugu cy’ubufaransa mu mupira w’amaguru

0
70
SANGIZA ABANDI IYI NKURU

 Shampiyona y’ubufaransa (Ligue 1) nimwe muri shampiyona 5 zikomeye kw’isi kandi inakunzwe na benshi kubera abakinnyi bibihangange bakina muri iyi shampiyona kandi ikaba inazwiho gukinisha cyane abakinnyi baturuka muri Afurika kurusha izindi shampiyona zi burayi. Ibi rero akaba ariyo mpamvu iyi shampiyona ikunzwe cyane hano iwacu muri Afurika. Nkuko tubikesha ikinyamakuru L’equipe cyadukoreye urutonde rwabakinnyi bahembwa agatubutse kurusha abandi muri iyi Shampiyona .

1.Neymar jr

Uyu mukinnyi w’umunya Brasil akaba akinira ikipe ya Paris Saint Germain aho yasinyiye iyi kipe avuye muri FC Barcelona abaye umukinnyi wa mbere uhenze mu mateka y’umupira w’amaguru Akaba ahembwa agera kuri million 3,060,000 za ma euro ku kwezi.

2. Kylian Mbappe

Uyu mukinnyi w’umufaransa ukiri muto ukinira Paris Saint Germain akaba yaraje muri iyi kipe avuye muri Monaco aguzwe akayabo ka million 180 za ma  euro. Uyu mukinnyi akaba aza kumwanya wa 2 mubahembwa amafaranga menshi muri iyi shampiyona akaba ahembwa million 1,910,000 za ma euro ku kwezi.

3. Thiago Silva

Uyu mukinnyi wu munya Brasil akaba na captain wa Paris Saint Germain akaba aza kumwanya wa 3 akaba ahembwa asanga million 1,500,000 za ma euro ku kwezi.

4.Edinson Cavani

Uyu mukinnyi wu munya Uruguay akaba nawe akinira ikipe ya Paris Saint Germain akaba aza kumwanya wa 4 aho ahembwa asanga million 1,345,000 za ma euro.

5.Marquinhos

Uyu mukinnyi wu munya Brasil akaba akinira ikipe ya Paris Saint Germain akaba aza kumwanya wa 5 mubahembwa agatubutse muri iyi shampiyona akaba ahembwa million 1,200,000 za ma euro ku kwezi.

6.Marco Veratti

Uyu mukinnyi w’umutaliyani akaba akaba nawe akinira ikipe ya PSG akaba ahembwa million zisanga 1,200,000 za ma euro ku kwezi.

7.Angel Di Maria

Uyu mukinnyi w’umunyargentine akaba akinira PSG nawe akaba yaraje muri iyi kipe avuye muri Manchetser united akaba ahembwa million 1,100,000 za ma eruo ku kwezi.

8.Keylor Navas

Uyu mukinnyi ukinira ikipe yi gihugu ya Costa Rica akaba ari umunyezamu ukomeye waciye muri Real Madrid aho yahatwariye Champions league 3, uyu mwaka akaba yaraje gusinyira ikipe ya PSG akaba aza kumwanya wa 8 mubahembwa menshi muri iyi shampiyona aho ahembwa asanga million 1,000,000 za ma euro ku kwezi.

  1. Mauro Icardi

Uyu mukinnyi w’umunyargentine udakunda guhamagarwa mw’ikipe y’igihugu akaba akinira ikipe ya PSG aho yaje kuntizanyo ya Inter de Millan ,uyu mukinnyi akaba ahembwa ibihumbi 800,000 bya ma euro ku kwezi.

10. leandro Paredes

Uyu mukinnyi w’umunyargentine akaba ukinira nawe ikipe ya PSG akaba ahembwa asanga ibihumbi 750,000 bya ma euro ku kwezi.

Muri rusange bigaragara ko abakinnyi 10 ba mbere bose bahembwa menshi muri iyi shampiyona  bakinira ikipe ya Paris Saint Germain abandi bakinnyi bakina muzindi kipe baza hafi kuri uru rutonde ni umufaransa Wisam Ben Yedder uhembwa ibihumbi 650,000 bya ma euro ku kwezi n’umunya espagne Cesc Fabregas uhembwa ibihumbi 600000 bya ma euro kukwezi.

 

 


SANGIZA ABANDI IYI NKURU

LEAVE A REPLY

Please enter your comment!
Please enter your name here