Dore amarangamutima abafana ba Rayon Sports nyuma y’uko Sadate na Komite ye ikuweho

0
165
SANGIZA ABANDI IYI NKURU

Abafana ba Rayon Sports bagaragaje imbamutima zitandukanye nyuma y’uko Urwego rw’Igihugu rw’Imiyoborere (RGB) ruhagaritse Komite Nyobozi yari iyobowe na Munyakazi Sadate.

Iki cyemezo cya RGB cyakiriwe bitandukanye n’abakunzi ba Rayon Sports, aho bamwe bishimiye uyu mwanzuro, bagaragaza ko Munyakazi Sadate yari yaratinze kuva ku buyobozi.

Hari abandi bashimiye uyu mugabo ko byibuze avuye ku buyobozi amaze kugaragaza isura nyayo ya Rayon Sports cyane ko ishingiye ku ikoreshwa nabi ry’umutungo mu gihe bamwe bavuze iyo akomeza kuyiyobora, umwenda wa miliyoni 800 Frw ifite ubu, wari gukomeza kwiyongera.

Uwizeyimana Sankara: Rwose njyewe ndashimira Munyakazi Sadate kuko yaharaniye ko ibi ntu bya Rayon Sports bikemuka. Nubwo birangiye avuyeho, ariko ndamushimira kandi nkanashimira RGB kuko yarebye kure ikabahagarika bose.

Undi ati: Umuyobozi mwiza wayoboye Rayon Sports y’akavuyo…gusa asize akavuyo gatangiye gucika, n’uduhuru twose twabuzaga Rayon Sports kugaragara neza asize aduharuye. Warakoze Sadate ntituzakwibagirwa.

Jean Berchmas: Ng’ubu ubuyobozi bwiza. Mbushimiye ko butabogamye. Sadate yige kwemera intege nke ze naho ubundi gukomeza umutsi bitumye asiga abanzi benshi muri siporo.

Twizerimana Ferdinand: Tugushimiye ibyiza wakoze, nta mwere ubaho wagasabye imbabazi aba-Rayon aho wateshutse, amahirwe masa mu bindi uzakora! Hakenewe Rayon Sports ikorera mu mucyo ifite aho ikorera hazwi, ifite inzego zubakitse neza bitari mu nyungu z’uwo ariwe wese! Vuga numve irute kora ndebe tubibone!

Sultan Mansour: Sadate bamwubitseho urusyo ,ikipe barayiriye bagera no mu mizi. Sadate azize kuba umunyakuri no gushaka gushyira ibintu ku murongo abo biyita Imena babonye ko abafashe ku nda baramurwanya. Uwo muvunyi umurwanya siwe wamutanzeho umukandida? Bazayobora baveho gusa Rayon Sports izahoraho.

Rwimo: Nta gahora gahanze, Sadate we turagukize pe.

Priscilla: Njye ndashimira cyane Nyakubahwa Perezida wa Repubulika wagize iki kibazo cya Rayon Sports icye. Nshimiye kandi n’ubuyobozi bw’Igihugu muri rusange uburyo bita ku bibazo bibuza abaturage amahwemo. Tunejejwe cyane n’uburyo ibibazo bikemutse kandi ikipe yacu twishimiye kongera kuyubaka dushyizeho umwete. Imana ihimbazwe cyane.

Undi ati: Njye simfana Rayon Sports ariko nkurikirana ibyayo. Sadate siwe wazanye aya madeni yose. Ni ababanje bayazanye bivuzeko yaje asanga hari ikirunga kiri hafi guturika, kimusandariraho. Ikosa mushinja ni irya Sarpong yirukanye nta n’igiceri amuriyemo. Ibindi byose byaturutse ku babanje babonye agiye kubashyira hanze bakamurwanya.

Mutima: Abatekereza ko Sadate ahuye n’ ingorane muribeshya cyane! Mu Kinyarwanda baraviga ngo “So ukwanga, akuraga urubanza rwamunaniye”. Sadati, mwamuraze ikipe y’ ibibazo: amadeni atagira akagero, amanyanga n’ amatiku”. Akiyiyoboye ntiyasinziraga kubera ibyo bibazo by’ uruhuri. None ubu Imana imutuye iyo mitwaro yose. Agiye kugenda age yirwamira asinzire nta nkomanga! Sadate, félicitation! Genda wiruhukire utuze kandi ushimire Imana yo igukijije iyo miruho. Namwe abagiye kuyobora, nimukenyere mukomeze ubundi muhangane n’ ibibazo by’ uruhuri bibategereje.

Célestin: Sadate nagende yiruhukire. Umubyeyi ukwanga akuraga imanza zamunaniye.Abayoboye Rayon Sports bose bakwiye kubazwa iby’ayo madeni bakayishyura. Komite nshya igatangirana n’ibishya.Ni gute Rayon imaze imyaka 50 ikaba nta na metero kare imwe igira, ikaba nta biro igira bizwi. Ukuri kurigaragaza abo bagabo bagende ntibazongere no kugera ku kibuga kuko ntacyo bakoreye ikipe bayoboye igihe.

Steven: RGB rwose yakoze akazi gakomeye kabisa ibibazo biba muri Rayon Sports ni nk’ibiba muri ADEPR kabisa, wagira ngo umudayimoni wabateye ni umwe. None se ko mbona ahubwo Rayon Sports yatangiye cyera? Ngo konti zishyika kuri ebyiri zose nta n’igiceri kiriho? Karabaye pe none se ubwo abakinnyi bazahembwa iki? Sha akabi gasekwa nk’akeza pe! Ngewe ndabona Rayon Sports bakwiriye kuyiha umusirikare akaba ariwe uyiyobora koko abasiviri ntabwo bayishobora rwose pe ikipe yararangiye.

Kabango: Mana urakoze rwose kudukiza uyu mugabo Sadate Munyakazi yari aduhejeje umwuka neza neza. Ukuntu ari umusirimu ikipe yayifatanyije na Covid -19 maze ibura ubwinyagamburiro neza. Rwose nizereko ibibazo byo muri Rayon bizahabwa umurongo, iki nicyo bita igihugu kigendera ku mategeko.

Cyemezo: Sadate niyihangane ariko ajye amenya ko kubaka bidasaba kubanza gusenya ibyo usanze. Gusa yabuze umushyigikira.

Meddy: Sadate agiye yerekanye amakosa yose yakozwe n’abiyise Imena! Ariko ubundi Muvunyi Paul ni iki muri Rayon? Isura yabo twayibonye badusigiye ideni rya miliyoni 800 Frw n’ibihumbi 10 Frw kuri konti zose za Rayon! Nk’uko byavuzwe na RGB, Rayon yaranzwe n’imiyoborere mibi kuva kera n’imicingire mibi y’imari ! Turasaba ubuyobozi bw’igihugu ko ibi bitarangirira hano gusa ahubwo ababigizemwo uruhare bose amategeko akabakurikirana. Ni gute binjizaga miliyoni 130 Frw bakagaragaza miliyoni 80 Frw niba abo biyita Imena batari ibisambo? Twanze Sadate ariko kera kabaye njye ndabona we yari muzima!

Impuguke: Mbega sadate we, umwenda wariyongereye? Wiyongeye yakoze iki se?

Ufashijwenayo Jean De Dieu: Bivuze ko mu mwaka umwe gusa miliyoni 200 Frw z’umwenda, iyo amara ya manda y’imyaka ine yari kugera kuri miliyoni 800 Frw.

Kirori Cyprien: Nyamara byarimo biza iyo bamuha umwanya da! Kudusangana ibihumbi 10 Frw akaba adusiganye ibihumbi 200 Frw, urumva se adakaze!

Mulinda Emmy: Genda Sadate usize inkuru mbi mu ba Rayon no mu mupira w’amaguru mu Rwanda. Nta wanga Rayon Sports ngo bimugwe neza nawe urabizi. Abo wakoreraga barazwi nibaguhe ubundi butumwa ubwo gusenya Rayon buranze. Turagukize.

Mahirwe Théoneste: Warakoze kubyo wakoze kandi turakwifuriza guhirwa muri byose.

Habumugisha Binson: Amafaranga ayisigiye, abakinnyi se? Abaterankunga se? Ibiro se? Ikibuga se? Ibikombe se? Kwegura se? Ahubwo nasabe imbabazi aba Rayon bose.

Cyambarangwe: Warakoze cyane perezida, wakoze ibikwiye kandi nkeka ko uwuzaza bizamworohera cyane kuko akazi kenshi waragakoze igisigaye ni ukubakira ku byo waharaniye. Uri intwari.

src:igihe.com


SANGIZA ABANDI IYI NKURU

LEAVE A REPLY

Please enter your comment!
Please enter your name here