Dore uburyo bworoshye bushobora kukwereka niba ufite umuvuduko w’amaraso uri hejuru (hypertension)

0
290
SANGIZA ABANDI IYI NKURU

Uburyo busanzwe bukoreshwa ari nabwo abaganga batugira inama yo gukoresha mu kumenya igipimo amaraso yawe agenderaho, ni ugukoresha imashini zabugenewe ushyira ku kuboko ukamenya igipimo cy’umuvuduko w’amaraso yawe.

Izi mashini zipima umuvuduko w’amaraso igihe umutima uteye amaraso uyohereza mu mubiri (systolic pressure) n’igihe uri kuruhuka witegura kongera gutera (diastolic pressure).

Hypertension cg se umuvuduko ukabije w’amaraso ni imwe mu ndwara zifata bucece, zikazahaza umuntu atamenye neza uko yarwaye, kuko ntijya ipfa kugaragaza ibimenyetso.

Uburyo bworoshye ushobora kumenya niba ufite umuvuduko ukabije w’amaraso

Nubwo hypertension idapfa kugaragaza ibimenyetso; gusa hari ikimenyetso kimwe gishobora kukwereka ko waba ugiye kwibasirwa n’iyi ndwara, bigusaba gutega amatwi neza.

Niba wumva umutima wawe utera, ukaba ubyumvira mu matwi yawe, bishobora kuba ikimenyetso cy’umuvuduko ukabije w’amaraso. Uru rusaku rurushaho kwiyongera nko mu gihe uryamye cg wicaye ahantu hacecetse.

Bigenda bite iyo ufite umuvuduko ukabije w’amaraso?

Mu gihe ufite umuvuduko ukabije w’amaraso, amaraso aca mu mijyana y’amaraso izwi nka carotid arteries ijyana amaraso mu mutwe hose no mu bwonko, iragenda igaca no mu matwi. Iyi mijyana iba ufite imbaraga nyinshi, kubera gusunika amaraso cyane. Ibi nibyo bituma wumvira umutima utera mu matwi (heartbeat). Ushobora kubyumvira mu gutwi kumwe cg yombi.

Uburyo busanzwe ushobora kugabanya umuvuduko ukabije w’amaraso ni uguhindura imyitwarire isanzwe ya buri munsi. Mu gihe byaba bidakunze, muganga niwe ufata icyemezo cyo kugutangiza imiti kugira ngo umuvuduko w’amaraso ugabanuke.

Src:umutihealth


SANGIZA ABANDI IYI NKURU

LEAVE A REPLY

Please enter your comment!
Please enter your name here