Dore umupfumu uhamya ko arimo kuragurira abapasiteri benshi bo muri ADEPR

0
3193
SANGIZA ABANDI IYI NKURU

Kanyamahanga Eric, ni umugabo ukiri muto kuko afite imyaka 25 gusa y’amavuko, akaba ashimangira ko kuva afite imyaka 20 yatangiye ubuvuzi gakondo nk’umupfumu wabigize umwuga aho avuga ko avura indwara zitangaje yifashishije abakurambere be bapfuye ajya ahura nabo buri munsi bakaganira. Mu kiganiro kirambuye yagiranye na ukwezi dukesha iyi nkuru yahishuye byinshi bidasanzwe ku buvuzi bwe, anahamya ko muri iyi minsi abapasiteri bo muri ADEPR arimo kubaragurira aho bajyayo bashaka ubuyobozi bw’iri torero rimaze iminsi rivugwamo ibibazo.

Kanyamahanga ni umupfumu uvuga ko abikomora kuri sekuru, ariko mu kazi ke akaba anitabaza abakurambere be bapfuye barimo ba nyirakuruza, ba sekuruza n’abandi, ngo aba bose bajya bahurira mu kazu afite mu rugo yita indaro, bakava mu bapfuye bakagaruka bakaganira bakamufasha ibiba byananiranye akabishobozwa n’imbaraga zabo.

Izi zose ni indwara Kanyamahanga Eric ahamya ko avura mu buryo bworoshye

Gutanga umuti utuma uwabuze akazi akabona, umuti w’urukundo utuma umuntu akundwa cyane, umuti utuma umucuruzi abona abakiriya, umuti ugarura ibyibwe, umuti utuma abakwambuye bahita bakwishyura, umuti utuma umukobwa wabuze umugabo azinguka agahita amubona, umuti uhuza abatandukanye n’indi myinshi itandukanye niyo Kanyamahanga avuga ko atanga kandi ngo amaze gufasha abatari bacye, aho ngo yitabaza abakurambere be bakamufasha gukemurira abamugana ibyo bibazo byose.

Aka kazu ngo ni indaro avuganiramo n’abakurambere be bapfuye bakamuha amabwiriza

Kanyamahanga Eric uvuga ko ari umupfumu uragurira abakinnyi batandukanye mu Rwanda akabahesha ibitego ndetse n’amakipe akayahesha intsinzi, ashinja ikipe ya Rayon Sports kuba yaramwambuye amafaranga y’u Rwanda miliyoni eshanu ari nabyo ngo byateje iyi kipe umwiryane watumye ubuyobozi bwose buvaho, abashya ngo nibatamwishyura nubundi azakomeza kubateza ibibazo muri iyi kipe.

Muri byinshi yabwiye Ukwezi dukesha iyi nkuru , harimo kuba n’abavugabutumwa benshi bazwi muri Kigali badakoresha imbaraga z’amasengesho nk’uko babivuga ahubwo ngo baramwitabaza akabaha imbaraga z’abakurambere be bakabona igikundiro.

Src:Ukwezi


SANGIZA ABANDI IYI NKURU

LEAVE A REPLY

Please enter your comment!
Please enter your name here