Ethiopia: Leta yafashe umwanzuro wo kohereza ingabo mu mirwano irikubera mu majyaruguru mu gace ka Tigray.

0
38
SANGIZA ABANDI IYI NKURU

Leta ya Ethiopia iri kwegeranya ingabo nyinshi mu gihugu hose mugihe ikomeje ibitero ku karere kayo ka Tigray mu majyaruguru.

Umugaba w’ingabo wungirije, Jenerali Berhanu Jula, yavuze ko ingabo ziri kujya mu majyaruguru gufasha ikicaro cy’ingabo cyaho kigaruriwe n’abasirikare ba leta y’akarere ka Tigray.

Ethiopia ni igihugu kigizwe na leta zitandukanye z’uturere, zihuzwa kandi zigategekwa na leta y’igihugu yo mu murwa mukuru Addis Ababa.

Debretsion Gebremicheal utegeka leta ya Tigray – n’ishyaka rihategeka TPLF – yavuze ko ingabo z’aka karere zafashe “intwaro hafi ya zose” z’ibirindiro by’ingabo za leta y’igihugu muri Tigray.

Yavuze kandi ko ingabo zabo ziri “mu ntambara” ku mupaka wa Tigray n’indi leta bituranye ya Amhara.

Abategetsi muri Amhara bemeje ko hari imirwano iri kubera mu karere k’umupaka ihana na Tigray nk’uko umunyamakuru wa BBC dukesha iyi nkuru abivuga.

Biragoye kumenya ubukana bw’imirwano iri kuhabera kuko internet na telephone byakuweho mu karere ka Tigray.


SANGIZA ABANDI IYI NKURU

LEAVE A REPLY

Please enter your comment!
Please enter your name here