George Floyd – Minneapolis:Ikamyo nini cyane yinjiye mu bari barigukora imyigaragambyo uwari uyitwaye avanwamo arakubitwa.

0
177
SANGIZA ABANDI IYI NKURU

Muri Minnesota hashize iminsi hari imyigaragambyo kubera urupfu rwa George-Floyd yishwe n’umwe mu bashinzwe umutekano w’umuzungu, ibi byagaragaje ko intera ubwicanyi bw’Abanyafurika mur Leta z’unze ubumwe za Amerika bumaze gufata indi sura.

Ejo ku Cyumweru tariki ya 31 Gicurasi 2020, nibwo ahari hari kubera imyigaragambyo mu mujyi wa Minneapolis muri Minnesota ikamyo yaje yahoreye inyura mu muhanda wari wuzuyemo abigaragambya maze abigaragambya bakuramo uwari uyitwaye baramukubita.

Kimaze guhagarara binjiyemo bavanamo uwari ugitwaye nabi cyane

Nta bigaragazako iyi kamyo nini hari umuntu yakandagiye kuko benshi bayibonye iza kandi ivuza ihoni bakizwa n’amaguru mbere y’uko ihagarara nk’uko bigaragazwa n’ibyatangajwe kuri twitter ya Minnesota Department of Public Security (MNDPS).

Polisi yaje ijyana uwari utwaye iyi kamyo kwa muganga kuvurwa ibikomere yatewe bidashobora kumuviramo urupfu nk’uko MNDPS ibivuga.

Guverineri wa leta ya Minnesota yabwiye abanyamakuru ko “iki gikorwa kibaye mu gihe ibintu byifashe nabi hano”. Yongeye ko atazi icyateye umushoferi gukora ibi.

Iyi kamyo biboneka ku rubavu rwayo ko ari iya kompanyi yitwa “Kenan Advantage Group” kompanyi y’ubwikorezi yo muri leta ya Ohio.

Iyi kompanyi yatangaje ko yamenyeshejwe ko hari ibyabaye muri Minneapolis byakozwe n’umukozi wabo, ivuga ko yemera gukorana n’abashinzwe iperereza.

MNDPS ntabwo yatangaje umushoferi wari utwaye iyi kamyo gusa ivuga ko iki gikorwa kiri gukurikiranwa nk’icyaha.

Kuwa gatandatu, imodoka ya polisi muri New York nayo yafashwe amashusho igonga abari kwigaragambya bayiteraga ibintu.

Isoko: BBC


SANGIZA ABANDI IYI NKURU

LEAVE A REPLY

Please enter your comment!
Please enter your name here