Ibikoresho akoresha mukazi ke byatumye yitwa umusanyi ruharwa

0
131
SANGIZA ABANDI IYI NKURU

Umugore wo mu Bwongereza ufite abana babiri yashyize ifoto ku mbuga nkoranyambaga agaragaza ibinyabutabire yarimo avangavanga,ababonye ibikoresho yakoreshaga bagira ngo ibyo bikoresho ni ibikinisho bikoreshwa mu kwikinisha.

Emma Holmes, ni umwarimukazi w’imyaka 29, yari yavangavanze hydrogen peroxide, yeast (umusemburo), n’amazi ashyushye ngo nicyo cyatumye ibikoresho akoresha muri laboratoire bihindura ibara bisa n’ibikoresho bikoreshwa mu kwikinisha.

Nyuma yo gushyira iyi foto kuri twitter, Holmes ngo yatunguwe no kubona abantu bari kumubwira ko ibi bikoresho akoresha muri laboratoire bimeze nk’ibikoreshwa mu kwiginisha.

Uyu mugore afite umugabo n’abana babiri uw’imyaka 9 n’uw’imyaka 7. Aba bana bari kumwe nawe ubwo yakoraga ubu bushakashatsi.

Iyi foto yahise inyanyagira ahantu hose ku mbuga nkoranyambaga, kuri twitter yahererekanyijwe inshuro ibihumbi 10.

Emma ati “Ntabwo bisanzwe ko ifoto ishyizwe kuri twitter ihererekanya kuriya. Byampaye isomo ryo kujya mbanza gushishoza mbere yo gushyira ifoto ku mbuga nkoranyambaga”.

Uyu mugore avuga ko yabajije se niba nawe abona ko biriya bikoresho bisa n’ibikoreshwa mu kwikinisha, ise akamusubiza ati “Ahubwo buriya ni gute wowe utabibonaga ?”

Emma Holmes avuga ko yasubije se atebya ati “Nabikoze ngamije gushimisha abana banjye, ariko byampaye isomo ry’uko ngombwa kwitwara mu gihe kizaza”

Uyu mubyeyi ni umwarimukazi kandi abarimukazi bo mu Bwongereza muri iyi minsi akazi kabo karahagaze kubera ko covid-19 yahagaritse amasomo


SANGIZA ABANDI IYI NKURU

LEAVE A REPLY

Please enter your comment!
Please enter your name here