Igihugu cya mbere ku Isi cyatangajeko kigiye gutangira gukingira Coronavirus.

0
1388
SANGIZA ABANDI IYI NKURU

U Burusiya bwatangaje ko mu Ukwakira buzatangira gukingira Coronavirus bukoresheje urukingo rwabwo, ibintu byateye benshi impungenge kuko nta na rumwe ruremezwa ku rwego mpuzamahanga.

Ibiro ntaramakuru by’u Burusiya byatangaje ko Minisitiri w’Ubuzima, Mikhail Murashko yavuze ko Ikigo cy’igihugu gishinzwe ubushakashatsi cyamaze gukora igerageza kuri urwo rukingo ndetse ko impapuro zo kurwandikisha zamaze gukorwa.

Ati “Turateganya gukingira mu Ukwakira. Abaganga n’abarimu nibo bazaba aba mbere mu kuvurwa.”

Icyo gihugu cyatangaje ubukangurambaga bwo gukingira Coronavirus mu Ukwakira 2020, kivuga ko biteganyijwe ko urukingo ruzahabwa ibyangombwa muri Kanama.

Cyakora ayo makuru yatumye hibazwa niba umuvuduko u Burusiya buri gukoresha utaba ugamije kurushanwa kugira ngo bubone urukingo rwa Covid-19 mbere y’ibindi bihugu, kurusha kwita ku buzima.

Ni mu gihe Umuyobozi w’Ikigega cy’Ubukungu bw’u Burusiya cyateye inkunga ikorwa ry’urwo rukingo, Kirill Dmitriev, yagereranyije kubona urwo rukingo, nk’igitego batsinze Amerika mu 1957 ubwo bayitangaga gushyira ku mugaragaro icyogajuru cyitwa Sputnik .

Inkingo zirenga 100 ziri gukorwa hirya no hino ku Isi abantu bashaka inzira yo kurimbura Covid-19. Ishami ry’Umuryango w’Abibumbye ryita ku Buzima OMS ritangaza ko nibura inkingo enye arizo ziri ku rwego rwa nyuma rw’igerageza; zirimo eshatu zo mu Bushinwa na rumwe rwo mu Bwongereza.

Urwo mu Burusiya rugeze mu cyiciro cya Kabiri, gusa ngo biteganyijwe ko ruzarangira ku ya 3 Kanama.

U Burusiya bumaze kugira abantu 850,870 banduye Coronarus. Abagera ku 14,128 yarabahitanye naho 650,173 barayikize.


SANGIZA ABANDI IYI NKURU

LEAVE A REPLY

Please enter your comment!
Please enter your name here