Inkunga u Bushinwa bwahaye abarimu bagizweho ingaruka na COVID19 mu Rwanda yateje impagarara

0
461
SANGIZA ABANDI IYI NKURU

Bamwe mu barimu bo mu mashuri yigenga mu Karere ka Gasabo mu Mujyi wa Kigali, bavuga ko bababajwe bikomeye no kuba inkunga iherutse gutangwa na Ambasade y’u Bushinwa mu Rwanda yo kugoboka abarimu bagizweho ingaruka n’icyorezo cya COVID19, igiye guhabwa n’abarimu bo mu mashuri ya Leta kandi barakomeje guhembwa.

yi nkunga yatanzwe binyuze mu muryango w’abanyarwanda bize mu gihugu cy’u Bushinwa mu bihe bitandukanye.

Ibyatanzwe tariki 27 Kanama 2020, ni ibiribwa birimo umuceli, akawunga, ibishyimbo, amavuta, isukari ndetse n’amasabune byose hamwe bifite agaciro k’amafaranga y’u Rwanda arenga miliyoni 22Frw.

By’umwihariko izahabwa abarimu bo mu Karere ka Gasabo gusa nk’uko byatangajwe ngo izasaranganywa imiryango 300 y’abarimu bigisha mu mashuri yigenga kandi bagezweho n’ingaruka za COOVID19.

Hari amakuru yaje kumenyekana ko umwarimu wigisha mu mashuri ya leta ariwe uri gukora urutonde rw’abazahabwa iyi nkunga.

Uwo mwarimu ngo yavuze ko izahabwa imiryango 150 y’abarimu bo muri Leta hamwe n’imiryango 150 y’abarimu bo mu mashuri yigenga.

Urwandiko dufitiye kopi bigaragara ko rwanditswe n’umuvugizi w’abarimu bo mu mashuri yigenga muri Gasabo, ubwo yagezaga ikibazo cyabo ku buyobozi bw’akarere yavugaga ko hari urutonde rwabo bakoze ari narwo bifuza ko rushingirwaho mu gutanga iyi nkunga.

Uhagarariye aba barimu yabwiye UKWEZI dukesha iyi nkuru ko bafite urutonde rw’ibyo basaba ubuyobozi bw’akarere ndetse n’ibyo bifuza ko byagenderwaho mu gutanga iyi nkunga yagenewe kugoboka abarimu muri ibi bihe bitoroshye barimo.

Muri ibyo harimo “Kwemerera abarimu bo mu mashuri yigenga ubwabo bakagira uruhare mu gutoranya bagenzi babo( Bose baba ku rubuga rumwe rwa watsap).”

Ikindi bifuza ni ukubasangiza urutonde rw’abazahabwa inkunga mbere yo kuyihabwa, ndetse bakifuza ko iyi nkunga igenerwa abarimu bo mu mashuri yigenga kuko aribo bagizweho ingaruka zikomeye n’icyorezo cya COVID19.

Uyu mwarimu uhagarariye abandi yavuze kandi ko bifuza ko mu byagenderwaho hatanga iyo nkunga harimo kuba uwayihabwa yagaragaza icyemezo cy’uko ari umwarimu mu 2020, ndetse no kuba akorera cyangwa atuye mu karere ka Gasabo.

Ikindi bifuza ni ukuba abarizwa mu Mujyi wa Kigali ku buryo yazaza kwifatira inkunga nta we atumye kandi akaba agaragaza ko yahagarikiwe amasezerano y’akazi kandi nta bundi bufasha abona buturutse ku kigo yakoreraga.

Uyu mwarimu avuga kandi ko ikindi cyagenderwaho ari ukuba uwahabwa iyi nkunga nta muntu babana mu rugo ukora akazi kamwinjiriza umushahara ugera ku 100 000Frw.

Aba barimu batangaza ibi ariko mu gihe Umuyobozi Nshingwabikorwa wungirije w’ Akarere ka Gasabo(DDEA) Mudaheranwa Regis, aherutse gutangaza ko ibivugwa n’aba barimu nta shingiro bifite.


SANGIZA ABANDI IYI NKURU

LEAVE A REPLY

Please enter your comment!
Please enter your name here