Ishimwe Kevin yahagaritswe by’agateganyo muri APR FC kubera imyitwarire mibi

0
86
SANGIZA ABANDI IYI NKURU

Ikipe y’ingabo z’igihugu, APR FC yatangaje ko kuri uyu wa Gatatu tariki 28 Ukwakira, yahagaritse by’agateganyo umukinnyi wo hagati ufasha abataha izamu Ishimwe Kevin kubera imyitwarire mibi.

Urubuga rwa APR FC rwatangaje ko Ishimwe Kevin w’imyaka 25, yahise asezererwa mu mwiherero w’ikipe i Shyorongi mu gihe ubuyobozi bw’ikipe bukiganira ku bihano bizamufatirwa.

Ntabwo hatangajwe amakosa yaba yarakoze yatumye ahagarikwa mu ikipe.

Ishimwe Kevin yaje muri APR FC avuye mu ikipe ya AS Kigali, asinya imyaka ibiri mu ikipe y’ingabo z’igihugu ndetse yerekanwa ku mugaragaro tariki 05 Kanama 2019.

APR FC yatangaje ko irakomeza imyitozo, kuri uyu wa Kane ikaba iri bukore kabiri, mu gitondo saa tatu na nimugoroba saa cyenda.


SANGIZA ABANDI IYI NKURU

LEAVE A REPLY

Please enter your comment!
Please enter your name here