LA LIGA yashyize hanze itangazo ribuza Messi kuva muri FC Barcelona ku buntu

0
542
BARCELONA, SPAIN - MAY 06: Lionel Messi of Barcelona celebrates after scoring his sides second goal during the La Liga match between Barcelona and Real Madrid at Camp Nou on May 6, 2018 in Barcelona, Spain. (Photo by David Ramos/Getty Images)
SANGIZA ABANDI IYI NKURU

Abakuriye LA Liga babwiye Lionel Messi ko amasezerano ye na FC Barcelona y’umwaka umwe agifite agaciro bityo atazemererwa kuva muri iyi kipe ku buntu keretse habonetse ikipe imugura miliyoni 700 z’amayero.

LA LIGA yabwiye Messi ko akwiriye gusubiza amerwe mu isaho kuko atazigera yemererwa kuva muri FC Barcelona ku buntu.

Muri iri tangazo,La liga yavuze ko Messi agifite amasezerano y’umwaka muri FC Barcelona bityo atazigera agendera Ubuntu nkuko yabisabye muri Fax yayandikiye kuwa kabiri w’iki cyumweru.

Uyu mukinnyi w’imyaka 33 yari afite ingingo mu masezerano ye ivuga ko igihe cyose azashaka kuva muri FC Barcelona azagendera Ubuntu ariko iyi kipe yavuze ko iyi ngingo yataye agaciro kuwa 10 Kamena uyu mwaka.

La liga yasohoye itangazo rivuga ko amasezerano ya Messi agifite agaciro ndetse itazigera itanga urwandiko rwemerera Messi kuva muri FC Barcelona igihe ikipe imushaka itishyuye akayabo ka miliyoni 630 z’amapawundi angana na miliyoni 700 z’amayero.

Ibi bivuze ko amakipe yashakaga Messi arimo Manchester City agomba kwishyura miliyoni 630 z’amapawundi kuri uyu mwaka umwe asigaranye.

Uyu munsi Messi yanze kwitabira gahunda y’ikipe yo gupimwa Coronavirus mu rwego rwo gutangira imyitozo bivuze ko atazagaragara mu myitozo ya mbere yo gutegura umwaka w’imikino 2020/2021 igomba gutangira kuri uyu wa mbere mu gitondo.

Messi arifuza nawe kwerekeza muri Manchester City ya Pep Guardiola wamutoje imyaka 4.

Messi ushaka kuva muri FC Barcelona kubera ko yananiwe kubaka ikipe ikomeye bikagera ubwo itsindwa na Bayern Munich ibitego 8-2 muri ¼ cya UEFA Champions League uyu mwaka,yatsindiye iyi kipe ibitego birenga 600 mu myaka 20 ayimazemo ndetse ayihesha ibikombe birenga 33.


SANGIZA ABANDI IYI NKURU

LEAVE A REPLY

Please enter your comment!
Please enter your name here