Madagascar iratakamba isaba ko yafashwa kurwanya Coronavirus.

0
347
SANGIZA ABANDI IYI NKURU

Madagascar kimwe mu bihugu byaje ku isongo bitangaza ko byavumbuye umuti w’icyorezo cya Coronavirus, ubu ni cyo gihugu muri Afurika gihangayikishijwe n’izamuka ry’umubare w’abanduye uri hejuru.

Minisitiri ushinzwe ubuzima muri Madagascar ejo kuwa gatatu nibwo yasabye amashyirahamwe akorana n’iki gihugu ndetse n’inzego z’ubuzima ko byahaguruka bigafatanya n’igihugu ku buryo buhambaye mu kurwanya Coronavirus.

Urubuga rwa Actu Orange ruvuga ko Minisiteri y’ubuzima muri Madagascar iherutse gutangaza ko mu byumweru ishize hagaragaye izamuka rikabije ry’ubwandu bw’iki cyorezo muri iki gihugu cyane cyane mu turere tumwe na tumwe nka Antananarivo.

Abayobozi batandukanye b’ibitaro byo mu murwa mukuru wa Madagaascar nabo batangaza ko umubare uri kubarurwa w’abanduye iki cyorezo uri kurenga ubushobozi bw’ibitaro byabo.

Ati,” rwose dufite umubare uri hejuru cyane wabarwayi ba Coronavirus ndetse mu gihe gito ntabwo tuba tugishoboye kubacumbikira kuko bari kurenga ubushobozi bwacu”.

Kugeza ubu Madagascar ifite abantu banduye Coronavirus bagera hafi 7500 kandi hafi 80% muri bo basuzumwe mu kwezi gushize kwa gatandatu.

Perezida Andry Rajoelina umwe mubasakaje inkuru ko umuti we ukora, mu ntangiriro z’uku kwezi yari yarafashe umwazuro wo gufunga umurwa mu kuru wa Madagascar bitewe n’uko imibare yariri kuzamuka y’abanduye Coronavirus.

Mu ntangiriro z’ukwezi kwa Kane nibwo Bwana Andry yari yaratangaje ko afite umuti uvura Coronavirus ndetse byinshi mu bihugu bikaba byarawuguze ku bwinshi.

Uyu muti Bwana Andry Rajoelina yise Covid Organics kugeza ubu ntabwo ukizewe ku bushobozi bwo kuvura Coronavirus nk’uko OMS yashishikarije abantu kutawizera ahubwo bakizera ibizava mu bushakashatsi busingiye kuri siyansi.

Ndetse wahakanwe n’abahanga mu by’ubuzima bw’abantu muri Nijeriya na Republika iharanira demokarasi ya Congo, nyuma yo kuwugura bakawugenzura bagira ngo bareba ko koko wavura Coronavirus.


SANGIZA ABANDI IYI NKURU

LEAVE A REPLY

Please enter your comment!
Please enter your name here