Nyuma y’iminota 20 ayiguze,Yagongesheje imodoka ya Lamborgini ifite agaciro ka Miliyoni 253 Frw mu mpanuka ikomeye

0
165
SANGIZA ABANDI IYI NKURU

Umuntu utatangajwe amazina yahuye n’uruva gusenya ubwo yagongeshaga imodoka yo mu bwoko bwa Lamborgini Huracan ifite agaciro ka Miliyoni zisaga 253 Frw nyuma y’iminota 20 gusa avuye kuyigura.

Byari byakubaho kugura ikintu runaka kiguhenze nyuma kikangirika utaragikoresha ? Benshi ni byo bakunze kwita ngo umuntu yabyukanye umwaku ku babyizera. Abantu benshi baba bifuza kugenda cyangwa gutunga ibintu by’agaciro bitandukanye dore ko bamwe bahitamo gutanga amafaranga y’umurengera ariko bakabona icyo bashaka.

Kuwa gatatu w’iki cyumweru mu gihugu cy’u Bwongereza mu muhanda M1 motorway (umuhanda uhuza umujyi wa London na Leeds) umuntu utatangajwe amazina, yahuye n’uruva gusenya ubwo imodoka ye ihenze yari avuye kugura yagongwaga nyuma y’iminota 20 gusa avuye kuyigura.

Polisi yo muri uyu mujyi iyi mpanuka yabereyemo yatangaje ko iyi mpanuka yatewe nuko iyi modoka yagize ibibazo by’imikorere (Mechanical Failure) byatumye igenda nabi indi modoka ikayigongaga iyiturutse inyuma.

Nyuma yo kugongwa n’indi modoka yo mu bwoko bwa Van iyiturutse inyuma, iyi modoka yangiritse bikomeye aho igice cyayo cyose cy’inyuma cyangiritse cyane. Umuvugizi wa Polisi yakomeje avuga ko uwari utwaye imodoka yagonze iyi modoka yo mu bwoko bwa Lamborghini yakomeretse ku mutwe ariko yavuze ko bidakomeye cyane. 

Iyi modoka yo mu bwoko bwa Lamborghini Huracan ni imwe mu zigezweho zihenze cyane aho ibarirwa agaciro kagera ku bihumbi Magana abiri by’amapawundi (£200,000) ni ukuvuga asaga Miliyoni Magana abiri na mirongo itanu n’eshatu z’amafaranga y’u Rwanda (253,000,000 Frw). 

Iyi modoka ifite moteri yo mu bwoko bwa V-10, ikaba ifite umuvuduko wa 201 mph ni ukuvuga ibirometero Magana atatu na makumyabiri na bitatu mu isaha (323Kmph). Lamborghini Huracan ni imwe mu modoka zigezweho zihenze ku Isi.


SANGIZA ABANDI IYI NKURU

LEAVE A REPLY

Please enter your comment!
Please enter your name here