Nyuma yo gutsindirwa i Wabo byafashwe nk’inzozi Lionel Messi yatangaje ibigomba guhinduka kuri Barcelona mu mikinire.

0
188
SANGIZA ABANDI IYI NKURU

Kapiteni Lionel Messi wa FC Barcelona avuga ko “ibintu bigomba guhinduka ntakabuza” muri iyo kipe, nyuma yo kunanirwa gutwara igikombe cya shampiyona cy’uyu mwaka.

Yabivuze mu ijoro ry’ejo ku wa kane, ubwo amateka yo kumara imikino 30 yikurikiranya idatsindirwa iwayo muri shampiyona yarangiraga.

Osasuna ni yo kipe ya mbere muri shampiyona ya La Liga itsindiye Barcelona ku kibuga cyayo cya Nou Camp kuva mu kwezi kwa cumi na kumwe mu 2018.

No gutsinda uwo mukino ntabwo byari kuba bihagije kuri Barça, ubwo Real Madrid yatsindaga Villarreal 2 – 1 ikegukana igikombe cya shampiyona y’uyu mwaka.

Jose Arnaiz ni we winjije icya mbere cya Osasuna, mbere yuko Messi acyishyura ku mupira w’umuterekano wa ‘coup franc’ (free-kick).

Enric Gallego wa Osasuna yaje guhabwa ikarita itukura amaze gukubita inkokora Clément Nicolas, nyuma Roberto Torres aza gushyiramo icya kabiri ari nacyo cy’intsinzi cya Osasuna.

Messi ni we wa mbere watsinze ibitego byinshi muri La Liga y’uyu mwaka ibitego 23 kugeza ubu, mu gihe hasigaye umukino umwe.

Yagize ati: “Turi ikipe y’intege nke ishobora gutsindwa igihe ishyizweho igitutu n’ishyaka”.

“Twatakaje amanota menshi tutari dukwiye gutakaza. Twananiwe cyane gukomeza kugira imikinire yo ku rwego rumwe”.

“Ducyeneye kwisuzuma, duhereye ku bakinnyi, ariko no mu ikipe yose. Turi Barcelona, kandi dutegetswe gutsinda buri mukino”.

Ubu icyizere cyonyine Barcelona isigaranye cyo kuba yatwara igikombe gikomeye uyu mwaka, gisigaye kuri Champions League.

Barcelona izakira Napoli yo mu Butaliyani ku wa gatandatu tariki ya 8 y’ukwa munani, mu mukino wa nyuma mu yo kwishyura wa kimwe cy’umunani. Umukino ubanza banganyije igitego 1 – 1.


SANGIZA ABANDI IYI NKURU

LEAVE A REPLY

Please enter your comment!
Please enter your name here