Nyuma y’ukwezi atandukanye na Jay Polly ,Sharifa yambitswe impeta n’undi mukunzi

0
459
SANGIZA ABANDI IYI NKURU

Uwimbabazi Sharifa umaze ukwezi atandukanye n’umuhanzi Tuyishime Joshua (Jay Polly) bari babanye nk’umugore n’umugabo, yambitswe impeta n’umukunzi mushya.

Mu kwezi gushize ni bwo byamenyekanye ko Sharifa na Jay Polly bagiye bagira amakimbirane y’urudaca, bemeranyije gutandukana.

Sharifa abicishije ku rubuga rwa Instagram, yahamirije abamukurikira ko afite umukunzi mushya, ashyiraho n’ifoto y’ikiganza cye cyambaye impeta.

Bimwe mu bihe bibi birazibagirana mu rushako rwa Sharifa na Jay Polly ni uburyo bigeze kurwana muri Kanama 2018, uyu muhanzi agakura uyu mugore amenyo abiri.

Byatumye Jay Polly atabwa muri yombi, akurikiranwa n’ubutabera bwaje kumukatira igifungo cy’amezi atanu. Icyo gihe cyose uyu muhanzi yakimaze muri Gereza ya Mageragere, afungurwa yicuza icyaha yazize.

Sharifa na Jay Polly batandukanye bamaze imyaka itanu bashakanye ndetse barabyaranye umwana umwe w’umukobwa.


SANGIZA ABANDI IYI NKURU

LEAVE A REPLY

Please enter your comment!
Please enter your name here