Perezida Donald Trump ari gufata imiti ya Coronavirus izwi nka hydroxychloroquine

0
238
SANGIZA ABANDI IYI NKURU

Muri iki gihe isi yugarijwe n’icyorezo cya Coronavirus umuti wa  hydroxychloroquine wagiye ukunda kugarukwaho na Perezida wa Leta zunze ubumwe za Amerika bwana Donald Trump.Kuri ubu nkuko bbc dukesha iyi nkuru ibitangaza Perezida wa Amerika bwana Donald Trump yavuze ko amaze iminsi afata imiti ya hydroxychloroquine mu kwirinda kwandura coronavirus.

Nubwomubyukuri Trump yatangaje aya makuru kugeza ubu ntabwo biremezwa neza nimba koko uyu muti wakoreshwa mu kwirinda Coronavirus. Gusa ibihugu bimwe na bimwe ku isi byemeje ko ariyo bikoresha mu kuvura abarwayi ba coronavirus.

Mu Rwanda, ikigo gishinzwe kwemeza ubuziranenge bw’imiti n’ibiribwa cyabujije abantu kuyikoresha mu buryo butemewe.

Ubwo bwana Donald Trump yarari mu kiganiro n’abanyamakuru mu biro bye yavuze ko vuba aha aribwo yatangiye iyi miti – ubusanzwe ikoreshwa mu kuvura malaria.Ati: “Hashize nk’icyumweru n’igice nyifata kandi murabona ko ngihari, ndacyahari”.

Bimwe mu bindi bintu bwana Trump yagarutseho yabwiye abanyamakuru ati: “Mwatungurwa no kumenya umubare w’abantu bayikoresha, cyane cyane abaganga bari kuvura iki cyorezo, benshi, benshi bari kuyifata, nanjye ni uko byagenze”.Abajijwe kwerekana ibimenyetso ko uyu muti ukora, Bwana Trump yagize ati: “Ikimenyetso cyanjye ni iki: Benshi barampamagara bambwira ibyiza byawo”.

Nubwo hari abakozi bo mu biro bye basanzemo iyi ndwara, Bwana Trump nanone yavuze ko we nta bimenyetso byayo afite kandi ayisuzumwa kenshi.

Dr Sean Conley umuganga wa perezida wa Amerika, yasohoye itangazo rivuga ko Bwana Trump “afite ubuzima bwiza” kandi “nta kimenyetso cy’uburwayi afite”.

Yongeyeho ko nyuma y’ibiganiro yagiranye na Trump ku byiza n’ingaruka zo gukoresha hydroxychloroquine, “twanzuye ko ubushobozi bwawo mu kuvura buruta ingaruka wagira”.

Mu kwezi gushize nibwo ikigo cy’Abanyamerika gishinzwe ibiribwa n’imiti (FDA) cyatangaje ko hydroxychloroquine “itagaragaje ko ari nziza cyangwa se ivura”.Iki kigo kivuga amakuru y’uko uyu muti ushobora guteza ibibazo mu gutera k’umutima ku barwayi ba Covid-19.

Kugeza ubu muri Amerika barenga miliyoni 1,5 banduye Covid-19 naho abarenga 90,000 yarabishe.

Nyuma yuko atangaje ibi madamu nancy Pelosi ukuriye inteko inshinga amaegeko ya Amerika yahise atangariza CNN ati “”Ni perezida wacu kandi numva adakwiye gufata ikintu kitemejwe n’abahanga, cyane cyane ku myaka ye no mu buremere bwe – urebye ubyibushye bikabije, nk’uko bivugwa”.

Mu kwezi gushize umuganga ukorera mu biro bya perezida wa Leta zunze ubumwe za Amerika yari yatangaje ko Trump apima 110Kg n’uburebure bwa 1,90m, ibirero bikamushyira mu bantu bafite umubyibuho ukabije.


SANGIZA ABANDI IYI NKURU

LEAVE A REPLY

Please enter your comment!
Please enter your name here