Perezida wa Madagascar yagiranye ibiganiro na OMS/WHO kubyerekeye umuti wa Coronavirus

0
315
SANGIZA ABANDI IYI NKURU

Mu minsi ishize nibwo igihugu cya Madagascar cyatangajeko cyavumbuye umuti wa Coronavirus,gusa ariko OMS/WHO yaje gutangazako nta muti n’umwe wari wemezwa ko uvura Coronavirus.Nyuma yahoo Perezida wa Madagascar yatkomeje avugako impamvu batemeye umuti wabo aruko wakozwe n’igihugu cyo muri Afurika.

Kuri ubu nkuko bbc dukesha iyi nkuru ibitangaza ivuga ko Perezida Andry Rajoelina wa Madagascar avuga ko yagiranye ikiganiro na Dr Tedros Adhanom ukuriye ishami ry’umuryango w’abibumbye ryita ku buzima OMS/WHO, avuga ko uyu yashimye umuhate wa Madagascar mu kurwanya Covid-19.

Bwana Rajoelina avuga ko Madagascar yavumbuye umuti gakondo uvura coronavirus bise Covid-Organic, kugeza ubu ibihugu bimwe bya Afurika biamaze kuwugezwaho.OMS ntabwo iremeza uyu muti – cyangwa undi uwo ariwo wose – ko uvura iyi ndwara iterwa na virus nshya yo mu bwoko bwa coronavirus ifata imyanya y’ubuhumekero.

Abinyujije kuri Twitter, Bwana Rajoelina yavuze ko OMS “izasinya ingingo zitazatangazwa ku bigize Covid-Organics kandi izashyigikira ibikorwa byo kureba niba uyu muti uvura muri Afurika”.

Mu nyandiko yari yabanje kwandika kuri twitter mu ijoro ry’ejo kuwa gatatu, Bwana Rajoelina yari yanditse ko Dr Tedros “yadushimye ku kuvumbura umuti wa Covid-Organics”, gusa iyo ‘tweet’ ariko yaje kuyisiba.Ubuyobozi bwa Madagascar bavuga ko ku bantu 131 bamaze gukira iyi ndwara benshi muri bo bayikijijwe n’uyu muti, muri iki gihugu abantu 371 barayanduye muri bo babiri yarabishe.

Ibihugu bimwe bya Afurika byatumije binatangaza ko umuti wa Madagascar wabigezeho, ibyo birimo; Tanzania, Niger, Tchad, Guinea Bussau, Guinea Equatorial, n’ibirwa bya Maurice.Muri Weekend Perezida wa Nigeria Muhammadu Buhari yakiriye uyu muti ngo babanze bawugerageze.Ejo kuwa gatatu minisitiri wo muri Ghana yemeje ko guverinoma yatumije umuti wa Madagascar ngo bawugerageze.

Hashize iminsi OMS/WHO itangaje ko iri gukorana na leta ya Madagascar mu gusuzuma niba uyu muti koko uvura Covid-19.Iri shami rya ONU ryaburiye Abanyafurika kwirinda gukoresha imiti itarasuzumwe ngo yemezwe n’abahanga mu kuvura iki cyorezo, kabone nubwo yaba ari iya gakondo.

Leta ya Madagascar yo yatangaje ko nta uzayihagarika mu gukoresha uyu muti kuri coronavirus no kuwuha abawukeneye.


SANGIZA ABANDI IYI NKURU

LEAVE A REPLY

Please enter your comment!
Please enter your name here