Umunyarwanda Bizimana Djihad agiye guhurira mu kibuga kimwe na Neymar na Mbappe

0
3038
SANGIZA ABANDI IYI NKURU

Paris Saint-Germain yitegura gukina irushanwa rya UEFA Champions League mu kwezi gutaha, yatangaje ko izakina imikino itatu ya gicuti irimo n’uzayihuza na Waasland-Beveren ikinamo Umunyarwanda Bizimana Djihad.

Paris Saint-Germain ifitanye ubufatanye n’u Rwanda binyuze mu kwamamaza ubukerarugendo bwarwo no kurushaho kumenyekanisha ibikorerwa imbere mu gihugu, nta mukino irakina kuva muri Werurwe 2020 ubwo amarushanwa yahagarikwaga n’icyorezo cya Coronavirus.

Muri Mata, Shampiyona y’Icyiciro cya Mbere mu Bufaransa yasojwe imburagihe, Paris Saint-Germain ihabwa igikombe yegukanye ku nshuro ya cyenda.

Iyi kipe yamaze kubona itike ya ¼ cya UEFA Champions League, aho izahura na Atalanta yo mu Butaliyani, yatangaje ko izakina imikino itatu ya gicuti mu kwitegura iri rushanwa rihuza amakipe yabaye aya mbere iwayo ku mugabane w’u Burayi, rizasubukurwa muri Kanama.

Umukino wa mbere wa gicuti irawukina kuri iki Cyumweru tariki ya 12 Nyakanga hamwe na Le Havre AC yo mu cyiciro cya kabiri mu Bufaransa, uwa kabiri izawukina na Waasland Beveren tariki ya 17 Nyakanga mu gihe uwa gatatu izawukina na Celtic yo muri Écosse tariki ya 21 Nyakanga.

Ubwo Shampiyona y’u Bubiligi yasozwaga imburagihe muri Gicurasi, hari hemejwe ko Waasland- Beveren yari iya nyuma, izamanuka mu cyiciro cya kabiri.

Iyi kipe ikinamo Umunyarwanda Bizimana Djihad yajuririye iki cyemezo ndetse Urukiko rwa Siporo mu Bubiligi (BAS) ruherutse kwemeza ko uwo mwanzuro nta gaciro ufite.

Waasland-Beveren ikinamo Bizimana Djihad yaherukaga kumanurwa mu cyiciro cya kabiri ariko Urukiko rwa Siporo mu Bubiligi, rwatesheje agaciro uwo mwanzuro

SANGIZA ABANDI IYI NKURU

LEAVE A REPLY

Please enter your comment!
Please enter your name here