Rubavu: Ushinzwe umutekano yishwe akaswe ijosi

0
209
SANGIZA ABANDI IYI NKURU

Umugabo witwa Cyiza Jean wo mu Karere ka Rubavu, ejo ku wa Kabiri tariki ya 08 Nzeri yishwe akaswe ijosi n’abantu bataramenyekana.

Cyiza w’imyaka 38 y’amavuko, yishwe ahagana saa moya z’umugoroba, yicirwa mu Mudugudu wa Munege, Akagari ka Rusura mu Murenge wa Busasamana.

Amakuru avuga ko abamwishe bamwiciye hafi y’urugo rwe aho yari araririye imyaka ye.

Nyakwigendera yari ashinzwe umutekano muri uriya mudugudu wa Munenge.

Umunyamabanga Nshingwabikorwa w’Umurenge wa Busasamana, Nsabimana Mvano Étienne, yemeje aya makuru, avuga ko yatunguwe kuko ari ubwa mbere ahuye n’amahano nk’ayo mu murenge ayoboye.

Abishe Nyakwigendera ntibaramenyekana, gusa inzego z’umutekano zirimo gukora iperereza kugira ngo hamenyekane abihishe inyuma y’urupfu rw’uriya mugabo.


SANGIZA ABANDI IYI NKURU

LEAVE A REPLY

Please enter your comment!
Please enter your name here