Sadate akomeje kwifatira ku gahanga Gasogi United

0
172
SANGIZA ABANDI IYI NKURU

Umukunzi wa Rayon Sports, Munyakazi Sadate yongeye kwifatira ku gahanga ikipe ya Gasogi United nyuma yo gutsindwa na Marine FC mu mukino wa gicuti.

Ni nyuma y’aho tariki ya 6 Ugushyingo 2020, Sadate wabaye Perezida wa Rayon Sports ateranye amagambo na Perezida wa Gasogi, Kakooza Nkuriza Charles bitewe n’uko yari amaze kugaragaza ko yishimiye ko iyi kipe yatsinzwe na Gorilla FC ibitego 3-1 nabwo mu mukino wa gicuti wabaye tariki ya 5.

Kuri uyu wa 11 Ugushyingo 2020 ni bwo Gasogi United yakinnye na Marine FC, nabwo itsindwa ibitego bibiri kuri kimwe (2-1).

Sadate nyuma yo kubona umusaruro Gasogi yatanze uyu munsi, yagize ati: “Ama Equipes yo mu Rwanda akomeje kwitegura championnat, Marine FC 2-1 Gasogi United, intsinzi n’ibyishimo bikomeje kuba kure y’Umusozi mwiza wa Gasogi.”

Amakipe akomeje gukina imiko ya gicuti mu rwego rwo kwitegura isubukurwa rya shampiyona y’icyiciro cya mbere, rishoboka mu ntangiriro z’umwaka w’2021.


SANGIZA ABANDI IYI NKURU

LEAVE A REPLY

Please enter your comment!
Please enter your name here