Tanzania yamaze kwakira umuti wa Covid-19 ukomoka muri Madgascar.

0
441
SANGIZA ABANDI IYI NKURU

Minisiteri y’ububanyi n’amahanga ya Tanzania yatangaje ku rubuga rwa Instagram amafoto agaragaza kwakira uwo muti ejo muri Madagascar.

Uyu muti wakorewe mugihugu cya Madagascar uzwi nka Covid-Organics cyangwa CVO mu mpine, ukozwe mu byatsi birimo n’ibyo mu bwoko bw’inyabarasanya n’ibindi byo muri Madagascar. Perezida w’icyo gihugu Andry Rajoelina avuga ko uvura coronavirus.

Tanzania ni kimwe gusa mu bihugu byinshi byo ku mugabane w’Afurika byamaze gutumiza uwo muti kandi ibaye igihugu cyambere kiwakiriye.

Mumafoto yakomeje gucicikana ku mbuga nkoranya mbaga aragaragaza minisitiri wo muri Madagascar ahereza ipaki y’umuti mugenzi we w’ububanyi n’amahanga wa Tanzania, Palamagamba Kabudi, ahandi bombi bawusomaho.

Image

Aha ni aho Bwana, Palamagamba Kabudi na mugenzi we wo muri Madagascar bari bari gusoma ku muti wa Covid-19.

Image

Aha bamaze guhana umuti nk’ikimenyetso cyigaragaza ko Umuti wageze mu maboko ya Tanzania.

Ishami ry’umuryango w’abibumbye ryita ku buzima (OMS/WHO) ryamaganye ibivugwa na Madagascar ko uwo muti yakoze ushobora kuvura abarwayi ba Covid-19, indwara y’ubuhumekero iterwa n’ubu bwoko bushya bwa coronavirus. Umukuru wa OMS ishami ry’Afurika Dr Matshidiso Moeti yaburiye ibihugu kwirinda gukoresha imiti gakondo mbere yuko ikorerwa igeragezwa ku barwayi rishingiye ku buhanga bwa siyansi.

Isoko: BBC


SANGIZA ABANDI IYI NKURU

LEAVE A REPLY

Please enter your comment!
Please enter your name here