Umucungagereza yafunzwe ashinjwa gufata ku ngufu umugore yari acunze mu kato ka Coronavirusi

0
246
SANGIZA ABANDI IYI NKURU

Polisi ya Kenya yataye muri yombi umucungagereza ushinjwa gufata ku ngufu umugore wari mu kato kubera gukekwaho icyorezo cya Coronavirus.

Uwo mucungagereza wafashwe yari mu bari bashinzwe kurinda abari mu kato.

Byabereye mu kigo gishyirwamo abari mu kato mu Mujyi wa Busia. Cyari kirinzwe na Polisi ndetse n’abacungagereza.

Reuters ivuga ko abandi barinzi bumvise urusaku rw’umugore, bakiruka bajya kureba icyo abaye, bagasanga abandi barwayi bavuga ko umucunagereza afashe mugenzi wabo.

Uwo mucungagereza ngo yahise yamburwa imbunda, afungiwe muri icyo kigo kirimo abakekwaho Coronavirus.

Inzego z’ubuyobozi muri Kenya zanze kugira icyo zitangaza kuri iyo nkuru.

Iki gikorwa ni kimwe mu bikomeje gutuma abaturage ba Kenya batakariza icyizere ibigo Leta yashyizeho ngo bishyirwemo abakekwaho Coronavirus. Ibyo bishobora gutuma abitabira ibikorwa byo kwipimisha Coronavirus baba bake.

Mu minsi ishize, hari abakunze kwinubira uburyo muri ibyo bigo bafatwa nabi haba mu mafunguro bahabwa, amazi n’isuku. Muri Werurwe bivugwa ko hari umuntu wiyahuye ari mu kato.


SANGIZA ABANDI IYI NKURU

LEAVE A REPLY

Please enter your comment!
Please enter your name here