Umuganga wishwe na Coronavirus amaze kuyanduzwa n’umurwayi yavuraga yababaje benshi

0
360
SANGIZA ABANDI IYI NKURU

Muri iki gihe isi yugarijwe n’icyorezo cya Coronavirus abaganga ni bamwe mu bantu bafite akazi kenshi ko gufasha abantu bafashwe na kino cyorezo.Mu gihugu cya Nigeria Umuganga yishwe na Coronavirus nyuma yo kuyandura mu gihe yariho yita ku muntu uyifite.

Nkuko bbc dukesha iyi nkuru ibitangaza Ishyirahamwe ry’abaganga muri Nigeria naryo ryemeza aya makuru,aho rivuga ko uyu wapfuye, Dr Chugbo Emeka, yanduye ubwo yariho yita ku murwayi wishwe n’iki cyorezo kuwa gatanu ushize.

Gusa ariko nkuko iri shyirahamwe ribitangaza rivugako amakuru rikesha ikinyamakuru Vanguard, ari uko uyu muganga w’imyaka 51 yari asanzwe arwara indwara ya Asthma.

Uyu muganga akaba yarafashwe kuwambere agahita  ajyanwa mu bitaro bya Kaminuza i Lagos ,akaza gupfa kuwa gatatu nk’uko uyobora ibi bitaro Chris Bode abitangaza.Bode avuga ko uyu muganga yagejejwe ku bitaro arembejwe n’ibimeneyetso by’iki cyorezo.

Ishyirahamwe ry’abaganga muri Nigeria rikaba riboneraho no gusaba leta zigize Nigeria gufasha abaganga kubona imyambaro ibarinda kwandura mu gihe bita ku barwayi banyuranye muri iki cyorezo.Ndetse bakaba banasaba abarwayi kubwira ukuri abaganga ku buzima bwabo, ingendo bakoze n’abantu babonanye kugira ngo bamenye uko bitwara.

Nkuko ibindi bihugu birimo Ethiopia na Burkina Faso byabigenje bikifashisha abaganga bo mu gihugu cy’Ubushinwa,mu rwego rwo guhangana niki cyorezo. Nigeria nayo irateganya kuzana abaganga 18 bavuye mu Bushinwa bakaza kuyifasha kurwana n’iki cyorezo, gusa bamwe mu baganga bo mu gihugu bagaragaje ko batabyishimiye.Kuko ngo hakwiye gukoreshwa abaganga benshi badafite akazi bari mu gihugu aho kwirirwa bazana abo mu kindi gihugu.


SANGIZA ABANDI IYI NKURU

LEAVE A REPLY

Please enter your comment!
Please enter your name here