Umukecuru n’umukobwa we bishwe na Covid-19 bashyinguriwe rimwe mu gahinda gakomeye

0
1246
SANGIZA ABANDI IYI NKURU

Kuri Gatatu tariki 13 Mutarama 2021, umubyeyi w’imyaka ibarirwa muri za 70 yashyinguriwe rimwe n’umukobwa we w’imyaka 45 bombi bishwe na Covid-19.

Amakuru dukesha umuseke ni uko Umukecuru witwa Mukagashugi Bernadette yabanje kurwarira i Kanyinya nyuma aza gupfa mu ijoro ryo ku Cyumweru tariki 10 Mutarama 2021.

Ku wa Gatanu w’Icyumweru gishize, umukobwa we witwa Nduwayo Marie Claire na we yaje kugira ikibazo cyo kubura umwuka ajyanwa ku Bitaro by’Akarere ka Nyarugenge, asangwamo Covid-19, ku wa Mbere tariki 11 Mutarama 2021 na we arapfa.

Covid-19 mu Rwanda irafata intera, abamaze gupfa ni 125 mu gihe abakirwaye bo bagera ku 2851.

Ingamba zo kwirinda icyorezo zirimo gukaraba intoki kenshi, kwambara neza agapfukamunwa, kwirinda ingendo zitari ngombwa, guha intera hagati yumuntu n’undi igihe bagenda cyangwa bari hamwe no kwisuzumisha kare ku muntu ugize ibicurane, cyangwa aribwa n’umutwe.

Ba nyakwigendera barashyinguwe kuri uyu wa Gatatu tariki 13 Mutarama 2021 mu irimbi rya Rusororo hakurikizwa amabwiriza yo kwirinda Covid-19.Abageze ahabereye uyu muhango baranzwe n’agahinda gakomeye


SANGIZA ABANDI IYI NKURU

LEAVE A REPLY

Please enter your comment!
Please enter your name here