Umukecuru w’i Ngoma yaraye arinze ihene ye igikoni kimugwaho arapfa

0
224
SANGIZA ABANDI IYI NKURU

Mu mudugudu wa Kiruhura mu Kagari ka Cyasemakamba mu Murenge wa Kibungo mu Karere ka Ngoma, Mu masaha ya saa yine z’ijoro ryo kuri uyu wa mbere tariki ya 15 kamena 2020, Umukecuru w’imyaka 47 y’amavuko yagwiriwe n’igikoni yari yarayemo arariye ihene ye ngo batayiba ahita apfa.

Uwishema Richard umwe mu baturanyi ba nyakwigendera, yabwiye Umuseke ko uwo mukecuru ngo yari aryamye mu gikoni yarazagamo ihene aho kurara mu nzu isanzwe kugira ngo batayiba.

Ngo yari aryamanye n’umwana ariko we ntacyo yabaye.

Umunyamabanga Nshingwabikorwa w’Umurenge wa Kibungo, Kanzayire ConsoLee yavuze ko nyakwigendera yitabye Imana koko agwiriwe n’inzu gusa ngo ntiyahamya ko yari yararanye n’amatungo.

Ati “Ihene ze zararaga mu gikoni aza kubyuka ajya kureba uko amatungo ye ameze niba rero ari ihene yari iziritse ku nkingi yakwishika inzu ikagawa sinzi uko nabisobanura ubwo uwo mukecuru yahise apfa icyakora umwana bari kumwe ntakibazo na kimwe yagize.”

Uyu muyobozi kandi asaba abaturage kujya bubaka neza aho baraza amatungo yabo ngo kuko bishoboka ko iyo mpanuka yatewe n’uko igikoni kitari gikomeye.

Ati “Icyo twakangurira abantu ni uko aho bashyira ikintu cyose cy’umutungo bakwiriye kuhafata neza kuko ibyo ari byo byose icyo gikoni ntabwo cyari gikomeye.

Umurambo wa nyakwigendera ubu ari mu buruhukiro bw’ibitaro by’ikitegererezo bya Kibungo wajyanywe gukorerwa isuzuma rya nyuma.


SANGIZA ABANDI IYI NKURU

LEAVE A REPLY

Please enter your comment!
Please enter your name here