Umunyamakuru wa CNN wari ufunzwe azira gufata amashusho yabari bari kwigaragambya kubera urupfu rw’umwirabura wishwe na Polisi yarekuwe abayobozi basaba imbabazi

0
315
SANGIZA ABANDI IYI NKURU

Mu ntangiriro za kino cyumweru nibwo humvikanye urupfu rw’umugabo w’umwirabura uba muri Leta zunze ubumwe za Amerika wapfuye anizwe n’Umupolisi.Kuva urupfu rwe rwatangazwa muri Leta ya Minneapolis ho muri Leta Zunze ubumwe z’Amerika hahise hatangira imyigaragabyo y’abantu benshi banenga iyicwa ry’abirabura rimaze gufata indi ntera muri Leta zunze ubumwe za Amerika.

Ubwo hakorwaga imyigaragambyo umunyamakuru witwa Omar Jimenez ukorera CNN yafataga amashusho.Gusa nyuma yaje gutabwa muri yombi n’abayobozi.Kuri ubuyobozi bwa Minneapolis  bwaasabye imbabazi ku itabwa muri yombi ry’umunyamakuru.

BBC dukesha iyi nkuru itangazako Umunyamakuru wa televiziyo CNN yaraye arekuwe nyuma yaho yari yatawe muri yombi ejo ku wa gatanu ari gutangaza imbona nkubone (live) ibijyanye n’imyigaragambyo yo mu mujyi wa Minneapolis yatewe n’urupfu rw’umwirabura w’umugabo utitwaje intwaro.

Omar Jimenez yatwawe yambitswe amapingu ubwo yatangazaga inkuru mu buryo bwa ‘live’. Umugabo ufata amashusho ndetse n’uyoboye itsinda rye na bo bari batawe muri yombi, bisa nkaho ari uko batigiyeyo ubwo babisabwaga.Bose barekuwe ntacyo bashinjwe.

Guverineri Tim Walz wa leta ya Minnesota yabisabiye imbabazi, avuga ko ibyabaye “bitakwihanganirwa”.

CNN yavuze ko iryo tabwa muri yombi ryahonyoye itegekonshinga rya Leta Zunze Ubumwe z’Amerika.

Byagenze gute?

Bwana Jimenez yari i Minneapolis, atangaza amakuru ku ijoro rya gatatu ryikurikiranya ryari rishize haba imyigaragambyo irimo ibikorwa by’urugomo yaturutse ku rupfu rwa George Floyd.

Ku wa kabiri w’iki cyumweru, hagaragaye videwo yerekana umupolisi apfukamye ku ijosi rya Floyd, nubwo yari yavuze ko adashobora guhumeka.

Bwana Jimenez yari ari gutangaza mu buryo bw’imbona nkubone ibijyanye n’itabwa muri yombi ry’umuntu muri ako gace aho ibiro bya polisi byari byatwitswe.

Nyuma yaho we na bagenzi be batangarije uko iryo tabwa muri yombi ryagenze, abapolisi bahise batangira kubagenda runono, barabasatira ndetse babategeka kugenda.

Muri iyo videwo yatambukaga mu buryo bwa ‘live’, Bwana Jimenez avuga uwo ari we ko ari umunyamakuru wa CNN, ndetse akumvikana abwira abapolisi ati:”Dushobora gusubira inyuma aho mwifuza hano. Turi gutangaza imbona nkubone muri aka kanya”.

Nuko umupolisi wambaye imyambaro yo guhosha imyigaragambyo agira ati: “Utawe muri yombi”. Agahita amujyana yambaye amapingu.

Byakiriwe gute?

Mu butumwa bwo kuri Twitter, CNN yavuze ko uko guta muri yombi abakozi bayo ari “uguhonyora mu buryo bugaragara uburenganzira bukubiye mu ngingo yo mu itegekonshinga” irinda ubwisanzure mu gutanga ibitekerezo no mu kujya mu mashyirahamwe.

Ubuyobozi bushinzwe irondo i Minneapolis bwemeje ko koko bari batawe muri yombi, buvuga ko abari batawe muri yombi barekuwe “bimaze kugaragara ko ari abanyamakuru”.Ariko Guverineri Walz yavuze ko ibyabaye ari we “wo kubiryozwa byose”.

Mu kiganiro n’abanyamakuru yagize ati: “Mu bihe nk’ibi, niyo waba uri kwigizayo abantu ngo bahave, tugomba kugenzura neza ko twasize umwanya urimo umutekano ugenewe itangazamakuru kugira ngo ritangaze iyo nkuru…”Yongeyeho ko “nta mpamvu n’imwe ihari yagatumye ikintu nk’iki kiba”.


SANGIZA ABANDI IYI NKURU

LEAVE A REPLY

Please enter your comment!
Please enter your name here