Umuririmbyi w’indirimbo zihimbaza Imana, Gentil Misigaro mu byishimo bidasanzwe(Amafoto)

0
254
SANGIZA ABANDI IYI NKURU

Umuririmbyi w’indirimbo zo kuramya no guhimbaza Imana, Gentil Misigaro, uba muri Leta zunze ubumwe za Amerika, ari mubyishimo bidasanzwe hamwe n’umukunzi we, Rhoda Mugiraneza.

Gentil Misigaro yibarutse imfura ye nyuma y’umwaka asezeranye kubana akaramata  n’umugore we Mugiraneza Rhoda, basigaye babana muri Canada.

Amakuru yo kwibaruka imfura muri uyu muryango yatangajwe na Misigaro, agaragaza ibyishimo yatewe no kuba nawe yiswe umubyeyi

Mubutuma butanga ishimwe, kuri uyu wa Gatanu tariki 4 Nzeri 2020, Misigaro yashimiye abantu bose basengeye uyu muryango atangazako ubu umwana na Nyina bameze neza.

Yagize ati “Umwana w’umuhungu yavutse. Buri kimwe kirahindutse, Isi yakiriye umuntu munini. Umutima wanjye urasendereye. Ubuzima bwanjye bugize igisobanuro cyisumbuyeho kubera wowe muhungu wanjye. Papa na mama baragukunda. Rhoda Mugiraneza uranshimishije, ndagukunda by’iteka. Mwarakoze kudusengera, impano n’ubutumwa mwaduhaye.”

Misigaro na Mugiraneza bibarutse imfura yabo nyuma y’ubukwe bwabo bwabereye mu mujyi wa Kigali taliki 16 Werurwe 2019 ubwo basezeranaga kubana akaramata.Nyuma y’ubukwe, Misigaro yahise yerekeza muri Canada aho n’ubusanzwe atuye. Umugore we nawe yaje guhita amusangayo ari naho babyariye imfura yabo.


SANGIZA ABANDI IYI NKURU

LEAVE A REPLY

Please enter your comment!
Please enter your name here