USA: Perezida Donald Trump yahagaritse inkunga Amerika yageneraga agashami gashinzwe ubuzima ku isi k’umuryango w’Abibumbye (WHO)

0
412
SANGIZA ABANDI IYI NKURU

Ku wakabiri tariki 14 Mata nibwo umuvugizi wa Trump Mike Pompeo yasohoye itangazo rivugako leta zunze ubumwe z’Amerika zibaye zihagaritse inkunga zageneraga aka gashami k’umuryango w’abibumbye (UN) gashinzwe ubuzima ku isi.

Guhagarika iyi nkuga ngo byatewe n’amakosa WHO yagaragaje, kuko itigeze itanga amakuru ya coronavirus kugihe, ngo iyo iza kubikorera kugihe ntihishire ubushinwa ngo ntabwo iki cyorezo kiba cyarajegeje isi byakakagene. Ikindi kandi WHO ishinjwa na Trump kuba yaritaye k’ubushinwa cyane kuruta leta zunze ubumwe z’Amerika. Ameriak niyo ishoramo inkunga nyinshi muri WHO.

leta zunze ubumwe z’Amerika zitera inkunga WHO akayobo kangana na milliyoni 400 kugeza kuri 500 z’amadorari y’Amerika ($400-500m) buri mwaka mu gihe ubushinwa butanga milliyoni 40 z’amadorari y’Amerika ($40m). Amerika nikuramo aka kayabo biragira ingaruka mbi kuri WHO muguhagarika icyorezo cya covid-19 kizahaje isi muri kino gihe nkuko uhagarariye umuryango w’abibumbye ku isi Antonio Goutress yabitangaje.

Ubwongereza bwahise bugenera WHO akayabo kangana na milliyoni 65 euro mukurwanya iki cyorezo cya Covid-19.

kugeza ubu leta zunze ubumwe z’Amerika nizo zimaze kugira impfu nyinshi ziturutse ku cyorezo cya covid-19. Kurubu harabarurwa abarenga 26,064 bamaze kwitaba imana muri leta zunze ubumwe z’Amerika naho abamaze kugaragaraho iki cyorezo barenga 614,246. Ku isi hose abagera kuri milliyoni ebyiri bamaze kwandura coronavirus.

ISOKO Y’INKURU: CNN


SANGIZA ABANDI IYI NKURU

LEAVE A REPLY

Please enter your comment!
Please enter your name here