Victory TV yahagaritswe kwerekana imikino y’iburayi

0
265
SANGIZA ABANDI IYI NKURU

Sosiyete icuruza ibijyanye n’amashusho ya Televiziyo, Canal + yishimye icyemezo cy’urukiko rukuru rw’ubucuruzi rwatesheje agaciro ikirego cya Victor TV yo mu Rwanda, igasabwa guhagarika kwerekana imikino y’i Burayi irimo amarushanwa nka Europa League, Champions League na Premier League.

Kuri uyu wa Gatatu tariki 07 Ukwakira 2020, UEFA, Premier League ndetse na kompanyi ya Canal + International batangaje ko bishimiye icyemezo cy’urukiko rw’u Rwanda ndetse ni cy’Urwego Ngenzuramikorere mu kurwanya ubujura bw’ibihangano (Piratage) mu Rwanda. 

Ishyirahamwe ry’umupira w’amaguru mu Burayi (UEFA) ritegura, rikanayobora imikino ya UEFA Champions League, UEFA Europa League, hamwe na The Football Association Premier League Limited itegura ikanayobora imikino ya English Premier League, hamwe na Canal + International umufatanyabikorwa wemewe mu gusakaza amashusho y’iyo mikino mu rurimi rw’igifaransa, bishimiye icyemezo cy’urukiko n °RCOMA 00877/2019 / HCC rwatangajwe ku italiki ya 9 Nzeri 2020 n’urukiko rukuru rw’ubucuruzi mu Rwanda ku kirego kireba shene ya televiziyo “Victory TV Ltd”.

Urukiko rukuru rw’ubucuruzi rwatesheje agaciro ubujurire bwa shene ya televiziyo Victory TV, icyemezo cyafashwe mu rubanza RCOM 00869/2019 / TC, runasaba iyo shene guhagarika gusakaza amashusho y’imikino ya Premier League yo mu Bwongereza, UEFA Champions League n’iyindi mikino yose ya UEFA Europa League ku butaka bw’u Rwanda.

Nyuma y’ibyavuye mu rubanza, Urwego Ngenzuramikorere, RURA, rwasabye shene ya Victory TV mu cyemezo cyafashwe ku ya 28 Nzeri 2020, guhagarika gusakaza amashusho y’iyo mikino bitaba ibyo ikazamburwa uburenganzira bwo gukorera mu Rwanda.

UEFA hamwe na Premier League yo mu Bwongereza, batangaje ko gusakaza amashusho y’imikino yabo utabiherewe uburenganzira ari ubujura bw’ibihangano ibizwi nka ‘Piratage’, ikaba yishimiye ibyemezo byafashwe n’urukiko rwo mu Rwanda rufatanyije n’urwego ngenzuramikorere, RURA.

Mu Ukwakira 2019, ni bwo Victory TV yaciwe amande ya Miliyoni 10 Frw, nyuma y’uko bari bamaze igihe berekana imikino y’i Burayi irimo amarushanwa nka Europa League League, Champions League na Premier League. Uburenganzira bwo kwerekana iyi mikino mu Rwanda bufitwe na Canal+ na DSTV gusa.


SANGIZA ABANDI IYI NKURU

LEAVE A REPLY

Please enter your comment!
Please enter your name here