Yarenze ku mategeko ya COVID-19, afatwa na Polisi atwaye umukunzi we muri ‘boot’y’imodoka

0
3351
SANGIZA ABANDI IYI NKURU

Muri iki gihe isi yugarijwe n’icyorezo cya Covid-19, ibihugu byinshi byagiye bishyiraho ingambo zo ku gumisha abaturage mu rugo mu buryo bwo kwirinda ikwirakwira rya kino cyorezo.Kuri ubu Polisi y’Afurika y’epfo iratangaza ko yataye muri yombi umugabo wafashwe atwaye umukunzi we w’umukobwa muri boot y’imodoka,akaba ashinjwa ku kuba  yarenze ku mategeko y’ibihe bidasanzwe yo kuguma mu rugo.

Umuyobozi  w’intara ya Gauteng iri mu majyaruguru ashyira uburasirazuba bw’igihugu cya Afurika y’epfo avuga ko uwo mugabo yari atwaye umukunzi we ahajya imizigo inyuma mu modoka(boot).

Umuyobozi wi ntara ya Gauteng madamu Faith Mazibuko yanditse kuri Twitter ko uwo mugore yasanzwe muri ‘boot’ y’iyo modoka ubwo yari ihagaritswe na Polisi kuri bariyeri (barrière) ku wa gatanu. Kuri Twitter, Madamu Mazibuko yanavuze ko uwo mugore na we yatawe muri yombi ashinjwa “kwemera gutwarwa muri boot”.Uwo mugabo n’umukunzi we ntacyo baratangaza ku byo bashinjwa.

Uyu mushoferei akaba atari afite uruhushya rwo gutwara imodoka, yerekezaga mu ntara ya Mpumalanga mu burasirazuba bw’igihugu.

Ibi bibaye nyuma yaho tariki ya 24 y’ukwa gatatu, Afurika y’epfo yashyizeho ibihe bidasanzwe by’akato bimara ibyumweru bitatu, ariko nyuma baje kongeraho aho batangaza ko bazageza mu mpera y’uku kwezi kwa kane. Ingendo z’imbere mu gihugu zaragabanyijwe bikomeye, aho abemerewe gusa kugira aho bajya ari abari ku rutonde rw’abatanga serivisi za nkenerwa cyane mu buzima busanzwe.

Kugeza kuri uyu wa mbere, muri iki gihugu habarurwa abantu 3,158 bemejwe ko banduye coronavirus, bakaba ari bo ba mbere benshi banduye muri Afurika.Muri abo, 54 imaze kubica, nkuko imibare ya Kaminuza ya Johns Hopkins yo muri Amerika ibigaragaza.

Isoko y’inkuru: bbc.com


SANGIZA ABANDI IYI NKURU

LEAVE A REPLY

Please enter your comment!
Please enter your name here